არტისტობა არც იმდენად ადვილია, როგორც ეს შეიძლება ერთი შეხედვით ჩანდეს. იმისთვის, რომ როლს მაქსიმალურად მოერგონ მსახიობებს სისტემატურად უწევთ როგორც წონაში დაკლება, ასევე მომატება, თმის შეღებვა ან თუნდაც ნოლზე გადაპარსვა, და ეს ყოველივე იმისთვის რომ მაყურებელმა რამდენიმე საათის განმავლობაში ბოლომდე გაითავისოს ის, რაც ეკრანზე ხდება. დღევანდელ სტატიაში წარმოგიდგენთ არასრულწლოვან ვარსკვლავებს, რომლებმაც ინტიმურ სცენებში 18 წლამდე ითამაშეს.

კირსტენ დანსტი

კირსტენ დანსტი ფილმ "ინტერვიუ ვამპირთან" გადაღებების დროს მხოლოდ 12 წლის იყო, და მიუხედავად იმისა რომ საქმე საწოლის სცენებამდე არც კი მისულა, სცენარის მიხედვით ახალგაზრდა მსახიობს კოცნა საკუთარ პარტნორთან 30 წლის ბრედ პიტთან მოუწია. ეს იყო არასრულწლოვნის პირველი გამოცდილება, რომელიც საკმაოდ წარუმატებლად დასრულდა. მოგვიანებით მსახიობმა ინტერვიუში განაცხადა რომ "ეს საშინელება იყო".

პენელოპა კრუსი

"ცხელი" როლები ესპანელ ლამაზმანს განსაკუთრებით უხდება, თუმცა ცოტამ თუ იცის რომ ასეთ გადაღებაში პენელოპამ პირველად მონაწილეობა 1992 წელს, 16 წლის ასაკში მიიღო. ახალგაზრდა, ტემპერამენტიანმა ესპანელმა ფილმში "შაშხი, შაშხი" მეძავის ქალიშვილი განასახიერა. ნამუშევრის ფართო ეკრანებზე გამოსვლისთანავე კრუსმა არაერთი საქმიანი შეთავაზება მიიღო, ხოლო ხავიერ ბარდემი, რომელიც მან გადასაღებ მოედანზე გაიცნო, მოგვიანებით მისი მეუღლე გახდა.

კირა ნაითლი

მიუხედავად იმისა, რომ კირა ნაითლის ფილმოგრაფიაში ათობით თამამი კინოსცენაა, ყველაზე მეტად მაყურებელს მისი მონაწილეობით ფილმ "ხვრელის" ერთი ეპიზოდი დაამახსოვრდა. მართალია, მასში სექსის კადრები არ იყო, თუმცა მაყურებელმა გოგონა საოპერაციო მაგიდაზე მწოლიარე სრულიად შიშველი იხილა, მაშინ მსახიობი სულ რაღაც 15 წლის იყო, აღნიშნული როლი ჰოლივუდის ვარსკვლავისთვის გარდამტეხი აღმოჩნდა.

მილა იოვოვიჩი

"დაბრუნება ცისფერ ლაგუნაში" მომხიბვლელი მილა იოვოვიჩის მონაწილეობით ერთ-ერთი საუკეთესო ფილმია. სიუჟეტის მიხედვით, უკაცრიელ კუნძულზე მოხვედრილი მთავარი გმირები, გარდა იმისა რომ საკვების საკუთარი ძალებით მოპოვებას, საცხოვრებლის აშენებასა და სამყაროს შესწავლას ყოველდღიურად სწავლობენ, ასევე ერთმანეთის მაგალითზე ქალისა და მამაკაცის ანატომიასაც ეცნობიან. თამამი სცენების გადაღების დროს მილა მხოლოდ 15 წლის იყო.

ბრუკ შილდსი

რეჟისორ რენდალ კლაიზერის 1980 წელს გადაღებულ სათავგადასავლო ფილმში "ცისფერი ლაგუნა" ბრუკ შილდსს ემელინის როლმა უდიდესი წარმატება და აღიარება მოუტანა. მსახიობს, მილას მსგავსად, სანაპიროზე ნახევრად შიშველს მოუწია სირბილი. გარდა ამისა, ნამუშევარი მთავარი მოქმედები გმირების მონაწილეობით სექსის სცენასაც მოიცავდა. კრისტოფერ ატკინსი, რომელიც ფილმში რიჩარდის როლს განასახიერებდა, გადაღებების დროს 19 წლის იყო, თავად ბრუკ შილდსი კი მხოლოდ 15-ის.

დაკოტა ფენინგი

დაკოტა ფენინგის როლი ფილმში "მეძებარი ძაღლი" ემოციურობის თვალსაზრისით საკმაოდ რთული იყო. სიუჟეტის მიხედვით მის გმირს ჯერ შიშვლად ცეკვას აიძულებენ, შემდეგ კი აუპატიურებენ. რა თქმა უნდა, ეკრანებზე მხოლოდ 12 წლის მსახიობის სახე იყო ნაჩვენები, მაგრამ მაყურებლის შოკირებისთვის ესეც კი საკმარისი აღმოჩნდა. მსახიობის თქმით, ფილმი მშვენივრად ახდენს იმის დემონსტრირებას, რომ ნებისმიერი ადამიანი განურჩევლად იმისა ცხოვრებაში თუ რა გადახდება მას თავს ბედნიერებას იმსახურებს.

დომინიკ სუეინი

ერთ დროს 15 წლის დომინიკ სუეინი ნაბოკოვის ერთ-ერთი ყველაზე ცნობილი "ლოლიტა" იყო. გოგონას საკმაოდ პატარა ასაკისა და ზოგიერთი პიკანტური სცენის გამო, რეჟისორებს გადასაღებ მოედანზე დუბლიორის მოწვევა დასჭირდათ. მართალია, იყო ისეთი სცენებიც, სადაც დომინიკმა თავად ითამაშა, მაგალითად, ჯერემი აირონსთან კოცნისა და სექსის სცენებში, თუმცა სკანდალის თავიდან ასაცილებლად გადამღებ ჯგუფს ინტიმური სცენების გადაღების დროს გოგონასა და მის პარტნიორს შორის ბალიშის განთავსება უწევდათ.

ნიკი რიდი

2006 წელს გადაღებულ კრიმინალურ კომედიაში - "მინისთვის ეს პირველია" 17 წლის ასაკში ნიკი რიდმა ალეკ ბოლდუინთან ერთად საკმაოდ თამამ სცენებში ითამაშა. სიუჟეტის მიხედვით, მთავარ გმირსა და მის მამინაცვალს ერთმანეთთან მგზნებარე რომანი აკავშირებთ. ბუნებრივია, ამ ყოველივეს ალეკ ბოლდუინთან რამდენიმე ინტიმური სცენის გადაღების გარეშე არ ჩაუვლია. მოგვიანებით გაირკვა, რომ რეჟისორებმა მსახიობს დაუმალეს, რომ გადაღების პროცესში მისი პარტნიორი არასრულწლოვანი იყო. 2016 წელს ამის გამო ფილმის გარშემო სერიოზული სკანდალიც კი ატყდა, თუმცა ის მალევე ჩაახშეს.

სიმონეტა სტეფანელი

გოგონა უკვე 15 წლის ასაკიდან სკანდალური რეპუტაციით სარგებლობდა. მსახიობმა ერთდროულად ორ ცნობილ ფილმში - "ნათლიას" მეორე ნაწილსა და "Do Not Commit Adultery" -ში მონაწილეობა საკმაოდ თამამ სცენებში მიიღო. მცირე ასაკის მიუხედავად, სიმონეტას კადრში გამოჩენა სრულიად დედიშობილა მოუწია.

ჯოდი ფოსტერი

1976 წელს გადაღებულ დრამაში "ტაქსის მძღოლი" ჯოდი ფოსტერმა 13 წლის ასაკში მეძავის როლი შეასრულა. მსახიობმა ერთხელ ინტერვიუში გულწრფელად აღიარა რომ დედამისი შოკირებული იყო, როდესაც მარტინ სკორსეზემ მას ეს როლი შესთავაზა, თუმცა მისივე თქმით, დედა რეჟისორს მხოლოდ მას შემდეგ დათანხმდა, რაც სკორსეზემ ის დაარწმუნა რომ მისი ქალიშვილი აირის სტისმის როლში შესანიშნავი იქნებოდა, და უნდა აღინიშნოს რომ ლეგენდარული ამერიკელი რეჟისორი არც შემცდარა, რადგან ფილმმა ჯოდი ფოსტერს არნახული პოპულარობა და წარმატება მოუტანა.