ჯანმო-მ გამოაქვეყნა დიდი კვლევა თინეიჯერების მანკიერებებზე. ექვსმა მეცნიერმა შეაგროვა სტატისტიკა 11-დან 15 წლამდე ასაკის ბიჭებსა და გოგონებში მოწევაზე, ნარკოტიკების მოხმარებაზე და ალკოჰოლის მიღებაზე და დაასახელეს ის ქვეყნები, სადაც ახალგაზრდა თაობა ყველაზე მეტად იყენებს ბოროტად ალკოჰოლს და სადაც, პირიქით, ამ მხრივ სამაგალითოდ იქცევიან.

მონაცემები „სასკოლო ასაკის ბავშვების ქცევა ჯანმრთელოასთან მიმართებაში“ - მოიცავს 2021 და 2022 წლების სრულ სტატისტიკას..

სურათი უმეტესწილად არ არის სასიამოვნო. გამოკითხვამდე ერთი თვის განმავლობაში საშუალოდ თხუთმეტი წლის სკოლის მოსწავლეების 40% სვამდა, მათ შორის უფრო მეტი გოგო იყო, ვიდრე ბიჭი და ეს დისპროპორცია კვლავ იზრდება. კიდევ ერთი ნიმუში არის ის, რომ მდიდარი ოჯახების ბავშვები უფრო ხშირად ბოროტად იყენებენ ალკოჰოლს.

განსაკუთრებით საინტერესოა თერთმეტი წლის ბავშვების სტატისტიკა - ამ ასაკში ბიჭების 18%-მა და გოგონების 12%-მა უკვე გასინჯა ალკოჰოლი. ცამეტი წლის ახალგაზრდებს შორის ეს მაჩვენებელი შესაბამისად 56% და 59%-მდეა გაიზარდილი. ანუ, გოგონები ბიჭებთან შედარებით წლების მატებასთან უფრო აქტიური „მსმელები“ ​​ხდებიან.

როგორც გაირკვა, სკოლის მოსწავლეებს შორის ყველაზე ნაკლებ ალკოჰოლს მოიხმარენ ტაჯიკეთში - საშუალოდ, ორივე სქესის მოზარდების მხოლოდ 1%-მა გასინჯა ალკოჰოლი. აი, დიდმა ბრიტანეთმა კი დაამყარა რეკორდი: არასრულწლოვანები იქ უფრო მეტს სვამენ, ვიდრე ნებისმიერ სხვა ქვეყანაში. თერთმეტი წლის ბიჭების 35%-მა და იმავე ასაკის გოგონების 34%-მა უკვე გაიცნო "ნუნუა".

ცამეტი წლის ასაკიდან - 50% და 57% სვამს ჭიქებიდან, ბოკალებიდან და ბოთლებიდან.

თუმცა თხუთმეტი წლის დანიელებმა მაინც აჯობეს ბრიტანელ თანატოლებს: 83-84%-ს დალეული აქვს ალკოჰოლი, ხოლო 68-69%-ს მეტ-ნაკლებად მუდმივად სვამს.

რამდენად ხშირად მოზარდები ძალიან თვრებიან ? საშუალოდ, თერთმეტი წლის ბიჭების 2% და გოგონების 1% სულ მცირე რამდენჯერმე იყო ამ მდგომარეობაში. თხუთმეტი წლის ასაკში - 5% და 20%, შესაბამისად.