მოვლენები პრინცესა დიანადან ანგელა მერკელამდე: 10 საცურაო კოსტიუმი, რომელიც ისტორიაში შევიდა 2024, 20 აპრილი, 23:30 
ვის არ ახსოვს ცნობილი ამერიკული სატელევიზიო სერიალიდან "მაშველები" ის ხასხასა წითელი საცურაო კოსტიუმი, რომელშიც თავს მსოფლიოში ყველაზე ყურებადი შოუს მთავარი მონაწილე, ქერათმიანი ლამაზმანი პამელა ანდერსონი იწონებდა? ის იცის ყველამ, მანაც კი ვისაც სერიალი არ უნახავს, თუმცა საზოგადოებას მხოლოდ ის საცურაო კოსტიუმი არ დამახსოვრებია. დღევანდელ სტატიაში წარმოგიდგენთ ქალის 10 ყველაზე განხილვად საზღვაო ტანსაცმელს ისტორიაში, რომელზეც არა თუ ყველა საუბრობდა, არამედ დღემდე საუბრობს.

ვეფხვის პრინტიანი მთლიანი საცურაო კოსტიუმი, რომელშიც პაპარაცებმა ორსული პრინცესა დიანა დააფიქსირეს, 1982 წელი

ზემოხსენებული ცნობილი წითელი საცურაო კოსტიუმი სერიალიდან "მაშველები", 1989 წელი

მთლიანი საცურაო კოსტიუმი, რომელშიც ჰილარი კლინტონი საკუთარ მეუღლესთან ბილ კლინტონთან ერთად ვირჯინიის კუნძულებზე ისვენებდა, 1988 წელი

გასული საუკუნის ერთ - ერთი გამორჩეული და დახვეწილი სტილის მქონე ქალბატონი, აშშ-ის ყოფილი პირველი ლედი, შეუდარებელი ჟაკლინ კენედი თავის ცნობილ საცურაო კოსტიუმში, რომელშიც ის შვებულების დროს იტალიაში დააფიქსირეს, 1962 წელი

კერი ფიშერის მეტალიკის კოსტიუმი, "ვარსკვლავური ომები, ეპიზოდი VI: ჯედაის დაბრუნება", 1983 წელი

მსახიობი რაკელ უელჩი ირმის ტყავის ცნობილ ბიკინში, "მილიონი წელი ჩვენს ერამდე", 1966 წელი

ლეგენდარული მსახიობის და მსოფლიოს ერთ -ერთი ყველაზე ლამაზი ქალბატონის ელიზაბეტ ტეილორის მოკრძალებული თეთრი საცურაო კოსტიუმი, "უეცრად, გასულ ზაფხულს", 1959 წელი

მსახიობი ბო დერეკი, ფილმი "10", 1979 წელი

მსახიობი ურსულა ანდრესი, "დოქტორი ნოუ", 1962 წელი

გერმანიის ყოფილი კანცლერი ანგელა მერკელი, რომელიც პაპარაცებმა იტალიაში, შვეულების გატარებისას დააფიქსირეს, 2013 წელი
|