"დაკავებები რუსულად?

ზაალ (ზორო) უდუმის შვილმა ძალზედ “ბრძნული'' ინფორმაცია გაავრცელა “გუშღამ'' - ხელისუფლებამ აქციის მონაწილეები რუსულ სტილში დააკავაო.

ნეტავ როგორია რუსული სტილით დაკავება? - იკითხავთ თქვენ და მართლებიც იქნებით.

როგორია და... ზაალ უდუმის შვილის მტკიცებით, რუსულია, როცა თან სცემ, თან აკავებ!

აი, მაგალითად, ალიკო ელისაშვილის “დაპატიმრება'' სრულად ჩაჯდა რუსულ სტილში - ჯერ წაადეს, მერე წამოადეს და ბოლოს პოლიციის მანქანაში შეაგდეს.

არა, ნუ, როგორ იქცევა ეს “ქართული ოცნება'', მარტო კანონი კი არა, ცემა-ტყეპა, პანჩური და დაკავებაც კი რუსული შემოიღო.

არადა... 2012 წლამდე საქართველოში სუ ქართულ-ხალხური დაკავებები იყო - რო გაგიფენდნენ წიხლქვეშ, ერთი ნეკნი აღარ დაგრჩებოდა მთელი, აღარაფერს ვამბობ ელენთაზე, თირკმელებსა და შარდის ბუშტზე. კუდუსუნში “დუბინკას'' რო ამოგდებდნენ და მერე ღრმად შევიდოდნენ, ეს იყო... როგორც ცხონებული ავლიპი იტყოდა ხოლმე, ეს იყო ბალეტი!

რა რუსული? თუ ცემაა, ცემა უნდა იყოს, მამა-პაპური და ტრადიციული, თანაც ამერიკული გამოცდილებით შეზავებული. ჯერ რო სცემ, მერე აკავებ, ან რო აკავებ, მერე სცემ და თან ანჯელინა ჯოლის ამსგავსებ, ეგ ხო რუსულია?

არა, ანჯელინა ჯოლის რატო ამსგავსებ, რატომ პროვოკატორობ? როცა რუსულად სცემ, ალა პუგაჩოვას უნდა დაამსგავსო, ან იოსება კობზონს, ან ლევანა ლეშჩენკოს... რავი, რუსები ცოტანი არიან?

ეჰ, ზაალ უდუმის ძევ, პარლამენტში დაგსვეს, იქაც ვერ ივარგე, ჭუტაანებში ილაპარაკეო, გუითხრეს და არც აქ ვარგიხარ. რა ქნას გიული ალასანიამ, მეტი რა გაგიკეთოს?!"-წერს ირონიულად სოციალურ ქსელში ინტერნეტგამოცემა "ლიდერის" დირექტორი გელა ზედელაშვილი.