წყვილების ურთიერთობა როგორი ძლიერი სიყვარულითაც არ უნდა იყოს გაჟღენთილი, ინტიმური კავშირი კიდევ უფრო ამყარებს მას. თუმცა, ხდება ისეც, რომ ქორწინებიდან მალევე ან გარკვეული ეტაპის შემდეგ მათი სექსუალური კავშირი სრულდება. ორივე სქესია ამაში დამნაშავე, თუმცა უფრო კონკრეტულ და მნიშვნელოვან მიზეზებზე, თუ რატომ ამბობს ქალების გარკვეული ნაწილი სექსზე უარს გათხოვების შემდეგ, გეშტალტთერაპევტი ნატალია არციბაშევა გაგვესაუბრება.

რა არის გეშტალტთერაპია?

ეს ქალბატონები დაქორწინდნენ მარადიულ "ბიჭებზე", რომლებიც არ გაიზარდნენ და მათი ძირითადი საზრუნავი ისევ და ისევ პირადი ინტერესია - მეგობრები, თევზაობა, ფეხბურთი. და მაშინაც კი, თუ ისინი სახლში არიან, წვანან დივანზე ტელევიზორის წინ ან სხედან კომპიუტერთან. ამ დროის მანძილზე კი ქალი სულ სახლშია, ბავშვებთან და არასოდეს აქვს ფიზიკური სითბო, თანადგომა, ჩახუტება, ან უბრალოდ კოცნა სიყვარულისა და მადლიერების ნიშნად. პარტნიორს ის მხოლოდ მაშინ ასხოვს, როდესაც ჰორმონები შემოუტევენ და ქმრის მოვალეობის შესრულების დრო დგება.

კაცები მუდმივად განაწყენებულები არიან, თუ რატომ არიან ცოლები ცივები, არ აქტიურობენ ინტიმურად და ა, შ, მთავარს კი ვერ ხვდებიან, რომ ინტიმური ურთიერთობა მხოლოდ ღამით, საწოლში სექსით დაკავება არაა. თუ რომელიმე პარტნიორის, ამ შემთხვევაში ქალის მხრიდან დაიკარგა პარტნიორის მიმართ ნდობა, ვნება და მიზიდულობა, ტაქტიკური კონტაქტი პარტნიორთან შეიძლება უსიამოვნო და არასასურველი გახდეს.