ის ცნობილი იყო, როგორც ოლტონელი გიგანტი ან ილინოისის გიგანტი, ხოლო მისი საყვარელი ადამიანები მას ნაზ გიგანტს (Gentle Giant) ეძახდნენ. რობერტ უოდლოუ გახდა ყველაზე მაღალი ადამიანი ისტორიაში და შევიდა გინესის რეკორდების წიგნში. მისი სიმაღლე 272 სმ-ს აღწევდა, სამწუხაროდ, ნაზი გიგანტი 22 წლის ასაკში გარდაიცვალა.
1918 წლის 22 თებერვალს, ამერიკელ უოდლოუს ოჯახში დაიბადა პირველი ვაჟი რობერტი, რომელიც გახდა ყველაზე მაღალი ადამიანი გინესის რეკორდების წიგნის მიხედვით. მეტიც, 4 წლამდე ბავშვი ნორმალური სიმაღლის იყო. უჩვეულოდ მაღალი სიმაღლე ჰიპოფიზის სიმსივნემ და აკრომეგალიამ გამოიწვია. 5 წლის ასაკში ბიჭს უკვე სჭირდებოდა ტანსაცმელი, როგორსაც უკვე 17 წლის მოზარდი მოიხმარდა, იმ დროისთვის მისი სიმაღლე163 სანტიმეტრამდე გაიზარდა. სამი წლის შემდეგ მან სიმაღლით გაასწრო მამას, მიაღწია 187 სანტიმეტრს და იწონიდა 90 კილოგრამს.
რობერტი ყოველმხრივ განსაკუთრებული ბავშვი იყო, მაგრამ მისი მშობლები მაქსიმალურად ცდილობდნენ, რომ მისი ცხოვრება რაც შეიძლება ნორმალური ყოფილიყო. იმისათვის, რომ ბიჭი სკოლაში წასულიყო, მას ცალკე მაგიდა დაუდგეს. როგორც ოჯახში უფროსი ვაჟი, ის თამაშობდა თავის უმცროს ძმებთან და დებთან. როდესაც რობერტი 13 წლის ასაკში გახდა ყველაზე მაღალი სკაუტი მსოფლიოში, მას მოუწია სპეციალური ფორმის, კარვისა და საძილე ტომრის დამზადება. მისი მშობლები საშუალო სიმაღლის იყვნენ, ისევე როგორც მისი უმცროსი ძმები და დები.
1936 წელს ბიჭი შენიშნეს Ringling Bros.-ის მოგზაურმა ცირკის მფლობელებმა და მიიწვიეს ჯგუფში. რობერტმა მიიზიდა უზარმაზარი ხალხი და გახდა ადგილობრივი ცნობილი სახე.
1938 წელს უოდლოუს დაუკავშირდა ფეხსაცმლის ეროვნული კომპანია და შესთავაზა სამუშაო. რობერტი დათანხმდა და მათთან ერთად წავიდა სარეკლამო ტურში, მათი ბრენდის რეკლამით. მათ უფასოდ გაუკეთეს ფეხსაცმელი 37AA ზომის.
როდესაც რობერტი სამუშაოდ არ მოგზაურობდა, ის მშვიდ და გაწონასწორებულ ცხოვრებას ეწეოდა. მისი მეგობრები რობერტს აღწერდნენ როგორც მშვიდ, ნაზ და თავაზიან პიროვნებას. მას უყვარდა გიტარაზე დაკვრა და ფოტოების გადაღება.
გიგანტის ცხოვრება არა მხოლოდ ამაღელვებელი, არამედ რთულიც იყო. სახლები, საზოგადოებრივი ადგილები და ძირითადი საყოფაცხოვრებო ნივთები არ იყო განკუთვნილი მისი სიმაღლისა და წონის ადამიანისთვის.
18 წლის ასაკში "კეთილმა გიგანტმა", როგორც მას მეტსახელად შეარქვეს, მოხსნა მსოფლიოში ყველაზე მაღალი კაცის მსოფლიო რეკორდი 2 მეტრი 53 სანტიმეტრი სიმაღლით. მის უჩვეულოდ მაღალ სიმაღლეს თან ახლდა სისუსტე და ფეხებში მგრძნობელობის ნაკლებობა, რის გამოც რობერტს საბოლოოდ ყავარჯნები დასჭირდა. 1940 წელს უოდლოუს ერთ-ერთმა ყავარჯენმა ფეხი გადაუხეხა, რამაც ანთება გამოიწვია და 1940 წლის 15 ივლისს რობერტი 22 წლის ასაკში სეფსისით გარდაიცვალა.
გარდაცვალებამდე ექიმებმა მისი სიმაღლე გაზომეს - 2 მეტრი 72 სანტიმეტრი. რობერტ უოდლოუს ბოლო სიტყვები ეხებოდა ბებია-ბაბუის ოქროს ქორწილის აღნიშვნას: „ექიმები ამბობენ, რომ იუბილეზე სახლში არ ვიქნები“.
