თმა წარმოადგენს სხეულის დამცავი სისტემის ნაწილს და შედგება- ძირითადად კერატინისგან. ადამიანის სხეული, მცირე გამონაკლისების გარდა (ტუჩები, ხელისგულები), მთლიანად დაფარულია თმით. ზრდასრულებს აქვთ ორი ტიპის თმა ღინღლი-მოკლე, თხელი, არაპიგმენტირებული, ე.წ. პირველადი თმა და ტერმინალური თმა, რომელიც უფრო უხეში, სქელი და ძირითადად პიგმენტირებულია. ტერმინალური თმის მაგალითია თმა წარბებზე და თავზე. ადამიანს თავზე 200 ათასი, ხოლო ტანზე 20 ათასი თმის ღერი აქვს. თხელი და სუსტი თმის ღერი – 100 გრამიან ტვირთს, ხოლო ქალის ნაწნავი 20 ტონიან სიმძიმესაც უძლებს. თმა ყველაზე სწრაფად ზაფხულში იზრდება, მისი სიგრძე წელიწადში საშუალოდ 10–15 სანტიმეტრს იმატებს. როგორც ამბობენ, ჟღალი თმა უფრო სწრაფად იზრდება, ვიდრე ქერა. ადამიანმა თმა რომ არ შეიჭრას, სიცოცხლის ბოლომდე, მისი სიგრძე 725 კმ–ს მიაღწევს.

გარდა იმისა, რომ თმა სხეულის დამცავ სისტემას წარმოადგენს და ძირითადად შედგება კერატინისგან, ქალის ყველაზე ძვირფასი სამკაული, ნამდვილი განძი იყო, არის და იქნება. ლამაზი თმა კი უფრო მომგებიანია ქალისთვის, რადგან მამაკაცისთვის ეს ერთდროულად სილამაზის და ჯანმრთელობის მაჩვენებელია.

ხშირად გვეუბნებოდნენ ბავშვობიდან, რომ ჯანმრთელი თმისთვის და ასევე იმისათვის, რომ მისი მოცულობა გაიზარდოს, სპეციალური პროცედურებია საჭირო; რომ ხშირი დაბანა თმას აცხიმიანებს ან აშრობს; შამპუნმა შეჩვევა იცის; თმის მალე ზრდისათვის აუცილებლად ბოლოები უნდა მოვიჭრათ და ა.შ, თუმცა ეს ყველაფერი მხოლოდ და მხოლოდ მითია.

როგორც წესი, გარეგნობაზე ფიქრი უამრავ დროსა და სახსრებს მოითხოვს და ხშირ შემთხვევაში, ეს ნამდვილად ასეა, თუმცა არის ქალების კატეგორია, რომლებმაც იციან გარკვეული ხრიკები, რომელთა ცოდნა მათ დროსა და სახსრებს ზოგავს. ერთი მარტივი მანიპულაციის წყალობით კი გარეგნობა უფრო მომაჯადოვებელი ხდება.

როგორ ცვლის ერთი მცირე დეტალი ადამიანის გარეგნობას