მოგეხსენებათ თითქმის 2 წელია სკოლაში შემოვიდნენ მანდატურები, მათ ევალებათ დაამყარონ სიმშვიდე სკოლაში. მათმა გამოჩენამ სკოლაში საზოგადოებაში აზრთა სხვადასხვაობა გამოიწვია. ზოგი ფიქრობს, რატომ უნდა ქონდეს მანდატურს მასწავლებელზე მეტი ხელფასი, როცა შრომის თვალსაზრისით ძალიან დიდი განსხვავებაა მათ შორის. მანდატური მთელი დღე დგას და დადის აქეთ იქით, მასწავლებელი კი რასაც აკეთებს და რა შრომასაც დებს ეს ყველასთვის ნათელია. ჩემი აზრით აქ ირღვევა შრომის კოდექსი. ადამიანი, არაფერს აკეთებს იღებს ორჯერ მეტ ხელფასს, იმ ადამიანზე, რომელსაც უამრავ ბავშვთან უწევს ურთიერთობა და უამრავ ბავშვს უნდა აუხსნას გაკვეთილი. აქვე ჩნდება მეორე პრობლემა. მე შევესწარი ასეთ ფაქტს. ჩემ სკოლაში წაიკამათენ მოზარდმა ბავშვებმა. ბავშვს კითხა მანდატურმა რა მოხდა ვისი ბრალიაო და მყისვე დაიწყეს ერთმანეთის დადანაშაულება ბავშვებმა. ეს როგორ შეიძლება? ანდა სკოლაში დაიკარგა ნივთი და მანდატურის კითხვისთანავე ბავშვებმა დამნაშავეს დაადეს ხელი. ანუ ბავშვებში ჩამოყალიბდა "ჩაშობის ინსტიტუტი". ბავშვებს ზრდიან ისე, რომ აბეზღებენ ერთმანეთს და მათი სკოლაში ყოფნა პირდაპირ ხელს უშლის ადამიანად ჩამოყალიბებას სკოლაში.

მეორე ფაქტორი, მასწავლებელთან ურთიერთობა. თუ ტელეფონმა დაურეკა, თუ არის ჩაწერა დაავიწყდა რა პროფესიონალიც არ უნდა იყოს უშვებენ სკოლიდან. ეს როგორ შეიძლება? ადამიანს ხომ შეიძლება დაავიწყდეს რაღაც, ან ვინმემ დაგირეკა შემთხვევით უნდა გაგადონ სკოლიდან? ანუ მანდატურების ყოფნით გადაიჭრა ერთი პრობლემა და წარმოიქმნა უამრავი. ყველაფერთან ერთად მათი "შენახვა" ძვირია. 600 ლარი აქვთ ხელფასი. ზოგ სკოლაში 5-6 მანდატურია და არამგონია პატარა სკოლებისთვის მანდატურისთვის თვეში 2000-3000 ლარის გადახდა ფუფუნება იყოს. ხომ შეიძლება დააყენონ ყველა სკოლაში ფეის-კონტროლი? რომ ბავშვებმა ცივი იარაღი არ შეიტანონ სკოლაში. და სკოლაში იყოს ამისთვის 1 დაცვის პოლიცია. აქტების დაწერის ფუნქცია დაუმატოტ მასწავლებელს და სახელმწიფოს იაფი არ დაუჯდება სკოლის შენახვა? ჩემი აზრი ესაა. მანდატური არ უნდა იყოს სკოლაში. ასევე ხომ არსებობს კამერები ყველა სკოლაში და ამ იდეის ცოტა დახვეწა მგონი წაადგება ჩვენს მომავალს და ასევე ეკონომიკურადაც წააადგება სახელმწიფოს.