ამერიკის ქალაქ მაიამიში, შტატი ფლორიდა, პოლიციამ კომენტარი გააკეთა ადამიანებზე სამმეტრიანი უცხოპლანეტელის თავდასხმის შესახებ ჭორებზე, რომელიც გავრცელდა სოციალურ ქსელ X-ზე (ყოფილი Twitter). ამის შესახებ TMZ იტყობინება.

ჭორების მიზეზი იყო ვიდეო, სადაც ციმციმებით და სირენებით ჩართული ათობით პოლიციის მანქანაა თავმოყრილი მაიამი ბიჩის გარეუბანში. სავაჭრო ცენტრში.

X- ის ზოგიერთმა მომხმარებელმა კადრებში ფეხით მოსიარულე უზარმაზარი ფიგურა დაინახა. NBC News-ის ცნობით, ერთ-ერთი პოპულარული პოსტის ავტორი ჩიოდა, რომ სამართალდამცავი ორგანოები და პრესა მალავდნენ სამმეტრიანი უცხოპლანეტელების გამოჩენას და აცხადებდა, რომ ამის გამო ქალაქში საჰაერო მიმოსვლა შეჩერებულია.

მაიამის პოლიციამ განაცხადა, რომ სინამდვილეში სავაჭრო ცენტრთან შეიკრიბა 50-მდე თინეიჯერი, რომლებიც ჯერ ერთმენეთსი ჩხუბობდნენ, შემდეგ კი ატეხეს ფეირვერკების სროლა. სავაჭრო ცენტრის კლიენტებს ეგონათ, რომ ვიღაცამ სროლა ატეხა და დაიწყო ქაოსი და პანიკა. რაც შეეხება იდუმალი ფიგურას, მაიამის პოლიციის სპიკერის თქმით, ეს მხოლოდ ჩრდილია. ”ამ კადრებში შეგიძლიათ ნახოთ, რომ ვიღაც მიემართება და მისი ჩრდილი მიწაზე ეცემა, ” - განმარტა მან. ”თუ ყურადღებით დავაკვირდებით, შეგიძლიათ დაინახოთ ქვემოთ ადამიანის ჩრდილი და არა რაღაც არსება."