ხომ წარმოგიდგენიათ, კოლექტიური ნატაფერაძეები, თურმე, სატანის წინააღმდეგ მებრძოლებად მოგვევლინენ. მთელი ცხოვრება ეკლესიას, ყველაფერ ქართულს დავტრადიციულს ებრძვიან და ახლა გახდნენ პატრიარქზე მეტი მართლმადიდებლები?!

მერე მიხვდნენ, რომ მაგარ ქაქში შეტოპეს და ვისაც მხარდაჭერა არ ჰქონდა გამოცხადებული, ვანდალიზმს და ეკლესიაში საღებავებით თუ კვერცხებით სირბილს გაემიჯნენ.

ჯერ ნიკაგვარამია დადგა ოჯახის, ეკლესიის და სიწმინდეების სადარაჯოზე, შემდეგ ხაბე შეუერთდა, ალბათ დავალება მიიღო, და მიყვნენ სხვებიც. აღარ ჩამოვთვლი.

ხალხს მთელი ნახევარი დღე დასჭირდათ იმის მოსაფიქრებლად, რა პოზიცია დაეჭირათ. არჩევნები მოდის და ნატაფერაძისგან დისტანცირება ამჯობინეს ორი მილიონი მართლმადიდებლისგან გამიჯვნას.

ზოგიერთმა გარეწარმა ის ხალხი, ვინც ეკლესიაში ვანდალიზმი დაგმეს, სტალინის დამცველებად გამოაცხადეს.

ნაცმოძრაობის მედია, მ.შ. რადიო სვაბოდა, ორკესტრირებულად, წმინდა მატრონას ხატს უტიფრად სტალინის ხატს უწოდებენ. არადა, სტალინის სიუჟეტი ერთ-ერთია 18-დან, რომლების წმ. მატრონას მოღვაწეობას ეხება.

ხატზე მხოლოდ წმ. მატრონა რომ ყოფილიყო, არც მიაქცევდნენ ყურადღებას. არადა, თუ მისი მოღვაწეობა დაკავშირებული იყო სტალინთან, გამოსახავდნენ თუ არა ხატზე, რა მნიშვნელობა აქვს?

კოლექტიურ ნაცმოძრაობას, როგორც ჩვევიათ, აღმოაჩინეს, რომ ეს ხატი მათთვის კარგი თემა იქნებოდა ეკლესიაზე და ქართულ ოცნებაზე შეტევისთვის.

დაარქვეს სტალინის ხატი, ამოქოქეს მესიჯბოქსი და წამოვიდა პოსტების და სიუჟეტების ნიაღვარი.

სტალინის ხატი ზუსტად იგივენაირად დაარქვეს, როგორც ამერიკულ კანონს დაარქვეს რუსული, 9 მილიონის გაფლანგვის საქმეს პიჯაკების საქმე, ქართულ ოცნებას რუსული და პუტინის დავალებით ივანოვის მიერ ხელისუფლებაში მოსულ ნაციონალურ მოძრაობას - ქართული.

ასე იციან, აიჩემებენ და იმეორებენ თუთიყუშებივით: "სტალინის ხატი", "პიჯაკების საქმე", "რუსული კანონი..."

ჯერ თვითონ ნაცმოძრაობამ ამოქოქა საინფორმაციო მანქანა, წაახალისა ნატაფერაძეები ვანდალიზმისკენ და შემდეგ ზუსტად ისინი განუდგნენ, ვისი მედიები და პარტიებიც ეკლესიას ემუქრებოდნენ.

სტალინის ფიგურის განხილვას არ შევუდგები. ამათგან განსხვავებით ყველა სამხედრო თუ სამოქალაქო მაღალჩინოსნის ან სხვა პირის მემუარები მაქვს წაკითხული, ვისაც კი სტალინთან უმუშავია. მისი დამსახურებებიც ვიცი, მ.შ. კაცობრიობის წინაშე, ასევე დანაშაულებიც, ასევე კაცობრიობის წინაშე.

ოღონდ სტალინის დანაშაულებზე ნაცმოძრაობა ნუ ილაპარაკებთ. თქვენ რაც გაქვთ ჩადენილი 21-ე საუკუნეში, სტალინს კი არა, ჰიტლერს არ მოსვლია აზრად ლამის საუკუნის წინ. გაზის კამერებში წვავდნენ ხალხს, მაგრამ ადამიანთა დამცირების სააკაშვილის გარემოცვის მიერ დანერგილი მეტოდები გესტაპოსაც შეშურდებოდა. ასე რომ, არ გინდათ სატანის სხვაგან ძებნა, ჯერ საკუთარ რიგებში მონახეთ.

კიდევ გაგიმეორებთ, რა თქვენი საქმეა მართლმადიდებელ ეკლესიებში როგორი ხატები იქნება, თქვენ დადიხართ სალოცავად? არა. ჰოდა, მიხედეთ თქვენს სალოცავებს, თუ გაგაჩნიათ. ეკლესია და მისი მრევლი მიხედავს თავისას.

თქვენ რომ საზოგადოების ჯანსაღი ნაწილი იყოთ, გეტყვით როგორ უნდა მოქცეულიყავით: მშვიდად მოგეთხოვათ ახსნა-განმარტება საპატრიარქოსგან. თუ არ მოგეწონებოდათ ეკლესიის პასუხი, დაგეფიქსირებიათ საკუთარი პოზიცია. მეტს მიაღწევდით თქვენს ბნელ მიზნებში.

ამიტომ ახლა გამიჯვნა დაგვიანებულია. თანაც, თქვენგან, კოლექტიური ნაცმოძრაობისგან, ოჯახის სიწმინდეების, ეკლესიის და ტრადიციული ღირებულებების დაცვის პოსტების გამოფენა ძალიან სასაცილოა, როცა წლებია ამ ყველაფერს ებრძვით.

იმ დეტალებში არ შევდივარ, რამდენ ხატზეა სატანა გამოსახული. განკითხვის დღის ხატი ნახეთ. არც იმის გარჩევას დავიწყებ წმ. მატრონას ხატზე სტალინი პოზიტიურ როლშია თუ არა. სამსჯელოა. ხატზე წმ. მატრონას ცხოვრება და მოღვაწეობაა ასახული.

მოგწონს, არ მოგწონს, ორივე რეაქციის გამოხატვის ფორმები არსებობს. ვანდალიზმი კი ვანდალიზმია. ვერსად გაექცევით. ეს ვანდალიზმი თქვენ წაახალისეთ, თქვენი პოსტებით და მედიებით."-წერს სოციალურ ქსელში გენერალი და სამხედრო ექსპერტი ამირან სალუქვაძე.