ძველი რომის საინტერესო ფაქტების შესახებ ჯერ კიდევ სასკოლო სახელმძღვანელოებიდან გვსმენია, რომელთა უმრავლესობაც ყველაზე მდიდარი ფანტაზიის მქონე ადამიანებსაც კი აოცებს, ხოლო ზოგს რომაული ტრადიციები თავისი აბსურდულობით უბრალოდ - საგონებელში აგდებს, მაგრამ თქვენ, რომელიც ახლა ამ სტატიას კითხულობთ დარწმუნებული ბრძანდებით რომ ძველი რომის შესახებ ყველაფერი იცით? შესაძლოა, ქვემოთ წარმოდგენილი ზოგიერთი ფაქტი თქვენთვისაც კი ნამდვილ აღმოჩენად იქცეს. მოკლედ, თქვენს ყურადღებას ამჯერად, ძველი რომის 15 ყველაზე წარმოუდგენელ და უცნაურ ფაქტზე შევაჩერებ. მაშ ასე...

1. ძველ რომში არა მხოლოდ გლადიატორებს, არამედ მათ სისხლსაც კი აფასებდნენ

ექიმები მის დალევას უნაყოფობითა და ეპილეფსიით დაავადებულ პაციენტებს ურჩევდნენ. მედიკოსების აზრით, გლადიატორთა სისხლი ეფექტური ასევე სხვა დაავადებების სამკურნალოდაც იყო.

2. იასამნისფერი ტანსაცმელი სტატუსად ითვლებოდა

მისი ტარება მხოლოდ იმპერატორებს ან სენატორებს შეეძლოთ, ხოლო იმისთვის რომ ტანსაცმლის ფერი ყოველთვის მკვეთრი და ხასხასა ყოფილიყო, მას მეწამული მურექსის მოლუსკებისგან დამზადებული საღებავით ღებავდნენ, თუკი იასამნისფერ სამოსს იმპერატორის გარდა სხვა ვინმეც ჩაიცვამდა ეს სახელმწიფო ღალატად ითვლებოდა.

3. ლეგენდის მიხედვით, კლავდიუსის მესამე ცოლი, ვალერია მესალინა, ნიმფომანი იყო

ისტორიკოსების თქმით, მას წყვილებისთვის ინტიმური ურთიერთობის დროს თვალყურის დევნა უყვარდა და ყველაზე ვნებიანი პარტნიორის ტიტულისთვის მსუბუქი ყოფაქცევის გოგონებს შორის შეჯიბრებებსაც კი აწყობდა.

4. ძველ რომში მამაკაცის რეპროდუქციული ორგანო დიდად ფასობდა

რაც არ უნდა გაგიკვირდეთ, მამაკაცის სასქესო ორგანოს თაბაშირის ასლს თილისმადაც კი ატარებდნენ, ძველი რომაელების აზრით, მამაკაცის ამ ორგანოს წარმატება მოჰქონდა. მეტიც, მას ბოროტი სულების განსადევნად კარებზე ზარის ნაცვლადაც კი კიდებდნენ.

5. ცაციები უიღბლოებად ითვლებოდნენ

თავდაპირველად სიტყვა "ავის მომასწავებელი" ლათინური "sinister"-დან იყო წარმოშობილი, რაც "მარცხენას" ნიშნავდა, მოგვიანებით კი მან "ბოროტების" სინონიმიც შეიძინა.

6. იმპერატორ კალიგულას ერთი ძალიან უცნაური ჩვევა ჰქონდა

საზოგადოების წინაშე გამოჩენა მას ქალის სამოსში უყვარდა.

7. კალიგულას საყვარელი ცხენი - ინციტატი - მარმარილოს თავლაში ცხოვრობდა, რომელიც სპილოს ძვლით იყო ინკუსტირებული

ექსტრავაგანტული იმპერატორი საყვარელი ცხენის კონსულად დანიშვნასაც კი ცდილობდა, რომელიც რომის რესპუბლიკის უმაღლესი არჩევითი თანამდებობა გახლდათ.

8. ჩვენს წელთაღრიცხვამდე პირველ საუკუნეში პოეტი - გაიუს ვალერიუს კატულუსი ცხოვრობდა

ერთ-ერთ ლექსში მან თავის ორ მთავარ კრიტიკოსს ისეთი უხამსი ლექსიკით მიმართა, რომ პოეტური ნაწარმოები ლათინურიდან მე-20 საუკუნემდე არ ითარგმნა.

9. ძველ რომაელებს არც ზიარების საიდუმლო და არც ადრეული ქრისტიანების არ ესმოდათ

პურის და ღვინის გამოყენებას კი, რომელიც ქრისტეს სისხლსა და ხორცს განასახიერებდა, ისინი კანიბალიზმად თვლიდნენ

10. საზოგადოებრივი ტუალეტები არა მხოლოდ პირდაპირ დანიშნულებას ასრულებდა, არამედ კომუნიკაციის ადგილადაც ითვლებოდა

ძველ რომში 140-ზე მეტი საზოგადოებრივი ტუალეტი ფუნქციონირებდა.

11. შეძლებული რომაელები მდიდრულ ნადიმებს აწყობდნენ, რომლებიც როგორც წესი, საათობით გრძელდებოდა

გამომდინარე იქიდან რომ მდიდარი რომაელების დეკადენტური ბანკეტები საათობით გრძელდებოდა, სუფრის წევრებს დიდი რაოდენობით საკვების მიღების შესაძლებლობა რომ ჰქონოდათ ისინი გულისრევასა და პირღებინებას ხელოვნურად იწვევდნენ.

12. ქალებში ყველაზე პოპულარული თმის ფერი - წითელი და ქერა იყო

რომაელი ქალბატონები ამ ფერების მისაღწევად ყველა საშუალებას - თხის ცხიმს, წიფლის ნაცარს, ხნას, ზაფრანს და მათეთრებელსაც კი იყენებდნენ.

13. ძველი რომაელები სისუფთავის დიდი მოყვარულები იყვნენ და ჰიგიენასაც სათანადოდ აფასებდნენ

ისინი საპნის ნაცვლად სპეციალურ არომატულ ზეთებს იყენებდნენ, რითიც სხეულს იბანდნენ, შემდეგ კი კანს სპეციალური ჯაგრისით იფხეკდნენ, რომელსაც "სტრიგილი" ერქვა.

14. რომაული ტოგა რომის იმპერიის კუთვნილების სიმბოლოს წარმოადგენდა

მისი ტარება ყველას არ შეეძლო, ტოგას მორგების პატივი მხოლოდ თავისუფლად დაბადებულ რომის "შვილებს" ჰქონდათ. ქალები კი გრძელ, ტრადიციულ მკლავებიან (ან უმკლავებო) სამოსს - "სტოლას" ატარებდნენ.

15. შარდში ამიაკის შემცველობის გამო მას ტანსაცმლის საწმენდ საშუალებად იყენებდნენ

ძველი რომაული ქიმწმენდის თანამშრომლები შარდს მთელს ქალაქში აგროვებდნენ. აი, ასეთ უცნაურ და ველურ ქმედებებს სჩადიოდნენ რომაელები ძველ რომში. თითოეულ ეპოქას თავისი მახასიათებლები და უცნაურობები გააჩნია, და ვინ იცის, შესაძლოა, საუკუნეების შემდეგ მომავალი თაობაც იგივენაირად იყოს აღშფოთებული ჩვენი ჰამბურგერებისადმი და დახეული ჯინსებისადმი განსაკუთრებული სიყვარულის გამო.