1. დროის შესახებ (2013)

ჩვენს სიაში პირველი ფილმი, რომელიც სასიამოვნო ემოციებით დაგტვირთავთ, სწორედაც რომ "დროის შესახებ''-აა. შეუძლებელია ამ ფილმის ყურების შემდეგ გულაჩუყებული არ დარჩეთ. "დროის შესახებ'' არის თბილი ფილმი, რომელიც დაგვანახვებს, თუ რამდენად მნიშვნელოვანია ჩვეულებრივი ცხოვრებით ცხოვრება, რომ ყოველი ჩვენი წამი შეუფასებელი და დასაფასებელია და რამდენად მნიშვნელოვანია გარშემო არაჩვეულებრივი ადამიანების ყოლა.

2. სანამ გეძინა (1995)

"სანამ გეძინა'', ალბათ ის ფილმია, რომლის ყურებაც ახალი წლის პერიოდში ადამიანებს, არასდროს, არ მობეზრდებათ, მათ შორის მეც. ზემოაღნიშნული ფილმი თავისი გულწრფელი სიუჟეტით, ლუსის მარტოსულობითა და სიკეთით, არაერთ კინომოყვარულს შეაყვარებს თავს. რაც მთავარია ბედნიერი დასასრულები, 90-იანების ეპოქის საუკეთესო წარმოჩენაა, რაც ჩვენს დღევანდელ, რეალობაში, უკვე იშვიათობას წარმოადგენს.

3. შეხვედრა ვარსკვლავთან (2004)

ალბათ, ყველას გვქონია შემთხვევა, როცა ვიღაც ცნობილი პიროვნებით ისე მოვხიბლულვართ, რომ გვგონებია, რომ ეს პიროვნება რეალობაშიც ისეთივე იდეალური იქნებოდა, როგორიც ეკრანებზე ჩანდა, თუმცა იმაზე არც კი დავფიქრებულვართ, რომ იმედები შეიძლება ერთ წამში გაგვცრუებოდა და რეალურად ის არ დაგვეფასებინა, ვინც მთელი ცხოვრების განმავლობაში თვალწინ გვყავდა. სწორედ, ასეთი არაორდინალური შინაარსის მატარებელია ზემოაღნიშნული ფილმი და თავისი არაორდინალური დასასრულით იგი ყველაფერს უფრო მეტ ხიბლს მატებს.

4. საქმრო ქირით (2011)

შეიძლება ადამიანი სხვის თვალში ძალიან იდეალური ჩანდე, მაგრამ სინამდვილეში შენი ცხოვრება ისეთი იდეალური არ იყოს, როგორიც სხვების თვალში ჩანს. შეიძლება სხვა ფიქრობს, რომ ოცნებები ასრულებული გაქვს, რაც ნამდვილად არ არის ასე და რეალურად, ის გსურს, რაც გგონია, რომ შენი ვერასდროს იქნება. სწორედ, ასეთი სიუჟეტური ხაზით მოგხიბლავთ "საქმრო ქირით''. ზემოთმოცემული ფილმი აგრეთვე დაგაფიქრებთ, ისეთ მნიშვნელოვან, ცხოვრებისეულ შეკითხვაზე, თუ რა უფრო მნიშვენელოვანია მეგობრობა თუ სიყვარული.

5. ტუთსი (1982)

ერთ-ერთ საკულტო 80-იანების ფილმი, რომელმაც უამრავი მაყურებლის გული დაიყრო არაერთ ეპოქაში. "ტუთსი'' გამოირჩევა სცენარის ორიგინალურობით, სიახლეების ძიებითა და ქალთა უფლებებზე ხმამაღლა საუბრით. არ დავივიწყოთ ისიც, რომ იგი ერთ-ერთ საუკეთესო რომანტიკულ კომედიას წარმოადგენს და მუსიკალურადაც იდეალურად არის გაფორმებული. მოკლედ, "ტუთსი'' ყველა კონიმოყვარულმა უნდა ნახოს, ცხოვრებაში ერთხელ მაინც.