ხანდახან კარგია დიდი წმენდის ჩატარება სახლში და ყოველგვარი ნაგვის მოშორება. სახლი მაშინვე ხდება უფრო სუფთა, უფრო ფართო და კიდევ უფრო ნათელი. ირგვლივ ყველა გვასწავლის, რომ სახლიდან, არასაჭირო ნივთებისგან უნდა გავთავისუფლდეთ და მოვიშოროთ გარკვეული ნივთები ყოველგავრი სინანულის გარეშე და ჩვენც სრულიად ვეთანხმებით ხოლმე ამას: ნაგავი სანაგვეში უნდა იყოს! თუმცა, ეზოთერიკოსები ამტკიცებენ, რომ არის რაღაცები, რომელთა გადაყრა კატეგორიულად აკრძალულია, რისიც ჩვენს წინაპრებსაც სჯეროდათ, რომ ამ ნივთების გადაგდებით შეიძლება ბევრი უბედურება მოეტანათ საკუთარი თავისთვის და ჩვენც თუ დავუჯერებთ, ამ რაღაცების გადაყრა, არაფრით არ შეიძლება.

რისი გადაყრა არ შეიძლება სახლიდან არავითარ შემთხვევაში!

1. პური და მარილი.

პური განასახიერებს ორგანიზმის გაჯერებას და კეთილდღეობას. ამიტომ, თქვენ მას პატივისცემით უნდა მოეპყროთ. თუ სახლში დარჩენილი ნაჭრები გაქვთ, შეგიძლიათ მისგან ორცხობილა (სუხარი) გააკეთოთ ან ჩიტები გამოკვებოდეთ, ნუ გადაყრით!

მარილი წარმატებისა და ბედნიერების სიმბოლოა. ყველამ იცის ნიშანი იმისა, რომ დაყრილი მარილი ჩხუბს ნიშნავს. იმ შემთხვევაშიც თუ დაგეყრებათ, გადმოწმინდეთ და ნიჟარაში ჩარეცხეთ.

2. ძველი ფოტოები.

ფოტოები ატარებს ადამიანის ენერგიას. ამიტომ მიჩნეულია, რომ ისინი არ უნდა დახიოთ ან გადააგდონ. ამ გზით თქვენ რისკავთ ზიანი მიაყენოთ ჩარჩოებში მყოფთა ენერგეტიკულ ველს, რამაც შეიძლება გამოიწვიოს უბედურება და ავადმყოფობა.

3. თმები.

ძველ დროში ადამიანები ძალიან უფრთხილდებოდნენ თმას, ითვლებოდა, რომ მისი საშუალებით მათ შეეძლოთ ადამიანისთვის სასიკვდილო ზიანის მიყენება. თქვენი თმა ნამდვილად გაჯერებულია თქვენი ენერგიით. არ არის რეკომენდებული მათი გაყიდვა ან გაცემა (მაგალითად, სტილისტებისთვის, რომლებიც ნებით ყიდულობენ მაღალი ხარისხის თმას). ასევე, არ გამოიყენოთ ბუნებრივი თმისგან დამზადებული პარიკები, თმის სამაგრები და ა.შ. ასე შეიძლება იმოქმედოს თქვენზე მათი ყოფილი მფლობელის ენერგიამ, რაც ასევე შეიძლება იყოს უარყოფითიდა არა დადებითი.

იხილეთ აგრეთვე:

როგორ გადავაგდოთ სახლიდან პური, ხატი და სხვა ნივთები?