ბერინგისა და ოხოცკის ზღვები ადიდდა და ნაპირებიდან გადმოვიდა. ჟურნალისტების თქმით, რეგიონში არის ძლიერი წვიმა, ქარიშხალი და ცუდი ხილვადობა.

რუსეთის ფედერაციაში, კამჩატკას ნახევარკუნძულზე ქარიშხალი ამოვარდა, რის შედეგადაც რამდენიმე სოფელი წყალქვეშ იძირება. ამის შესახებ Shot იტყობინება.

„კამჩატკაში სოფლები წყალში იძირება ქარიშხლის გამო, რომელიც რეგიონს დაატყდა თავს.“- ნათქვამია განცხადებაში.

ჟურნალისტების ინფორმაციით, ძლიერი ტალღების გამო წყალდიდობის ზონაში რამდენიმე დასახლებული პუნქტი აღმოჩნდა. კერძოდ, წყლის ნაკადი შეინიშნება სოფლებში ოსორაში, ყარაგაში, ივაშკასა და ოქტიაბრსკოეში. გარდა ამისა, სოფელ ვივენკაში ელექტროენერგია არ არის, სამაშველო სამსახურები იქ წავიდნენ.

საგანგებო სიტუაციების სამინისტროში განაცხადეს, რომ შტორმის გამო, კამჩატკას უსტ-ბოლშერეცკის რაიონში საავტომობილო გზის მონაკვეთი დაიკეტა. სინოპტიკოსების ვარაუდით, უამინდობა 16 დეკემბრის ღამემდე გაგრძელდება. მსხვერპლის შესახებ ინფორმაცია არ ვრცელდება.