საწვავი (ბენზინი) ფრანგულიდან წარმომდგარი სიტყვაა და კარგად მოგეხსენებათ ყველას თუ რა არის. წარმოადგენს სხვადასხვა აგებულების ნახშირწყალბადების ნარევს, რომელსაც აქვს დამახასიეთებელი სუნი და არის წყალზე მსუბუქი და გამჭვირვალე, თითქმის უფერო სითხე, დუღილის ტემპერატურაა 30-იდან 205°C. ჰაერში 74-123 გ/მ³ კონცენტრაციისას ფეთქებადი ნარევები წარმოიქმნება. ბენზინს ძირითადად ნავთობის გამოხდით ან მისი თერმული და კატალიზური გადამუშავებით ღებულობენ, მცირე რაოდენობით კი ქვანახშირისა და საწვავი ფიქლების, აგრეთვე ბუნებრივი აირების გადამუშავებით.

ბენზინს იყენებენ საწვავად შიგაწვის ძრავებში. მას ხმარობენ გამხსნელადაც, სარეცხ სითხედ და სხვა. საწვავი ბენზინი იყოფა საავტომობილო და საავიაციო ბენზინად. საავტომობილო ბენზინი ორი სახისაა: ზამთრის და ზაფხულის. ზამთრის ბენზინი შეიცავს მეტ დაბალმდუღარ ნახშირწყალბადებს, ვიდრე ზაფხულის. ბენზინის უმნიშვნელოვანესი საექსპლუატაციო თვისებაა მისი ადვილად აორთქლების უნარი და დეტონაციური მდგომარეობა. ბენზნის ანტიდეტონაციური თვისებები კი დამოკიდებულია შემადგენელი ნახშირწყალბადების აგებულებაზე და ფასდება ოქტანური რიცხვით. იყენებენ შემდეგი მარკის ბენზინს: A-66, A-72 და სხვა (რიცხვითი მაჩვენებლები ოქტანური რიცხვის მაჩვენებელია). დეტონაციური მდგომარეობის გასადიდებლად ბენზინს უმატებენ ტეტრაეთილტყვიას. ასეთი ეთილირებული ბენზინი შხამიანია და სხვა ბენზინებისგან განსასხვავებლად აფერადებენ.

უამრავი ბენზინგასამართი სადგურია დამონტაჟებული მსოფლიოს მასშტაბით. ალბათ ყველა თქვენგანი ერთხელ მაინც ყოფილა იქ ავტომობილის ავზის საწვავით ასავსებათ, თუმცა უცნაური არაფერი შეგინიშნავთ, ან იქნებ კი? დღევანდელ სტატიაში გთავაზობთ კრებულს, სადაც ბენზინგასამართ სადგურზე მომხდარი უცნაურობებია დაფიქსირებული.

ყველაზე საშინელი, რაც კი შეიძლება ნახოთ ბენზინგასამართ სადგურზე