როდესაც ადამიანებს გამოცდილება და ცოდნა აკლიათ, ისინი რჩევისთვის სხვებს მიმართავენ, მათ შორის ინტიმურ საკითხებზეც . და ყოველთვის არიან ისეთებიც, ვინც ბრმად ენდობიან სხვა ადამიანების რეკომენდაციებს. საბოლოო შედეგი იმაზე უარესია, ვიდრე წარმოგიდგენიათ.

რაც შეეხება ინტიმურ ურთიერთობას, ნებისმიერი ინფორმაცია კითხვის ნიშნის ქვეშ უნდა იყოს. ყოველივე ამის შემდეგ, სასწორზე არა მხოლოდ სიამოვნება ან რეპუტაცია დგას, არამედ ზოგჯერ ჯანმრთელობა და სიცოცხლეც კი. ქვემოთ გაეცნობით 3 მაგალითს, როდესაც რჩევამ ცუდი შედეგი მოიტანა

1. „მამაკაცს აქვს სექსუალური მოთხოვნილებები და ქალის მოვალეობაა მისი დაკმაყოფილება“.

ეს რჩევა 36 წლის ლუსის დედამ ახალგაზრდობაში მისცა. მან დაამატა, რომ სრულფასოვნად ბედნიერი იყოს, ქალმა საჭმელების კარგად მომზადება უნდა ისწავლოს. "მთელი თაობა გაიზარდა ამ პატრიარქალური დამოკიდებულებით", - წუხს ლუსი.

გოგონამ პირველი ურთიერთობა დედის სქემის მიხედვით ააწყო. ლუსიმ პარტნიორის ინტერესები საკუთარზე მაღლა დააყენა და კაციც ისარგებლა შექმნილი სიტუაციით. შედეგად, მას განუვითარდა ცრუ დანაშაულის გრძნობა. მიუხედავად იმისა, რომ ათი წელი გავიდა, ახლა ის ყოველ ჯერზე თავს დამნასავედ გრძნობს, როცა ბიჭებს ინტიმურ ურთიერთობაზე უარს ეუბნება.

"თქვენ ყოველთვის გაქვთ უფლება თქვათ არა, თუნდაც სექსის დროს, " გვიზიარებს ლუსი თავის დასკვნებს. ის გოგონებს ურჩევს, ყოველთვის შეამოწმონ თავიანთი სურვილები: ემთხვევა თუ არა ისინი იმას, რაც მათ პარტნიორს სურს. თუ თქვენ გჭირდებათ მასთან ადაპტაცია, მაშინ დროა "შეაკეთოთ" ან დაასრულოთ ურთიერთობა.

2. "წარმოიდგინე ბებია, რომ ნაადრევად არ გაათავო."

ტიმი 28 წლისაა და 16 წლის იყო, როცა მას ეს რჩევა მისცეს. ”მე გამოვიყენე ეს ლაიფ ჰაკი. არ მქონდა ინტიმური გამოცდილება და ნებისმიერი სისულელე მეჩვენებოდა კიდევ ერთი ნაბიჯი სექსუალური ოლიმპისკენ, ” იხსსენებს ის. ბოლოს ვერ ვერავინ გაათავა: ტიმი თავს უხერხულად გრძნობდა, მის პარტნიორს კი ეს უბრალოდ არ მოეწონა.

რჩევა სკოლის მეგობარმა მისცა. თანატოლებიდან პირველს ჰქონდა სექსი, ამიტომ ხშირად მიმართავდნენ მას რჩევებისთვის. ტიმმა ეს სკოლის შემდეგ გაიგო, მაგრამ სექსის დროს ბებიას აღარ წარმოიდგენდა ხოლმე . სამაგიეროდ სამსახურზე, საქმეებსა და პრობლემებზე ფიქრობდა. ზოგჯერ ეს ხელს უწყობდა უფრო მეტხანს გახანგრძლივებას, ზოგჯერ კი აღგზნებას ნულამდე ამცირებდა.

”ჩემს ახალგაზრდობაში მიზანი ყოველთვის ორგაზმი იყო. უფრო მეტიც, პარტნიორს უნდა დაემთავრებინა ჩემზე ადრე ან იდეალურად ერთდროულად. ახლა უბრალოდ ვტკბები ამ პროცესით, არ ვარ ჩაციკლული ფინალზე. თუ ეს ბობოქარი სექსი იქნება, უფრო კარგი, ეს ხომ ალუბალია ტორტზე“, - ამბობს ტიმი.

მისი თქმით, დროის უკან დაბრუნება რომ შეძლებოდა, საკუთარ თავს შემდეგ რჩევას მისცემდა: დატკბი მომენტით, არ იფიქრო პარტნიორის მოლოდინებზე, არ ეცადო ვინმეზე შთაბეჭდილების მოხდენა. მთავარია ერთად კარგად გვატაროთ დრო, აჯამებს ტიმი.

3. „სექსის წინ მდუღარე შხაპი უნდა მიიღოთ“

28 წლის გრიგოლს ერთხელ ურჩიეს სასქესო ორგანოების დაბანა ძალიან ცხელი წყლით. შედეგად, ის დაიმდუღრა: მისი ინტიმური ადგილები ძალიან მგრძნობიარე აღმოჩნდა ტემპერატურის მიმართ.

"სკოლაში და მედიაში გვასწავლიან, როგორ არ დაინფიცირდეს აივ-ით და შემთხვევით არ ჩასახო ბავშვი. მაგრამ არავინ გვეუბნება, როგორ ვისიამოვნოთ სექსით. ეს თემა ჯერ კიდევ ტაბუდადებულია, თუმცა ინტერნეტი სავსეა პორნოებით.სწორედ აქედან არის ეს უცნაური რჩევები, რომლებიც იწვევს ტრავმებს, ”- ამბობს გრიგორი.

სექსის პრაქტიკაზე მეტი უნდა ვისაუბროთ, თვლის, რომ მაშინ სახიფათო სპეკულაციით არავინ დაზარალდება.