საკმაოდ სერიოზული სასიყვარულო დრამა გათამაშდა სანკტ-პეტერბურგის ჩრდილოეთით.

სანამ ერთი ახალგაზრდა კაცი, მუხლმოდრეკილი, გოგონას ყვავილებს ჩუქნიდა, ამ დროს მეორე გამოენთო და რომანტიული იდილია ჩაშალა. ეს ყველაფერი კი სერიოზული ჩხუბით დასრულდა.

სანკტ-პეტერბურგში, კომპოზიტორთა გამზირზე იაფფასიანი კინოსთვის განკუთვნილი სცენარი განვითარდა.

ახალგაზრდა მამაკაცმა გადაწყვიტა გოგონასთვის მის მიმართ თავისი გრძნობები გამოეხატა. მან გოგონას თაიგული გადასცა და დაიჩოქა კიდეც. სანამ გოგონა, სავარაუდოდ შოკში იყო და შესაბამისი სიტყვების პოვნას ცდილობდა, ვიღაც ახალგაზრდა კაცი მოსახვევიდან სწრაფი ნაბიჯებით გამოვარდა, მივარდა ბიჭს და გაზის ბალონი შეასხურა .

ვიდეო, რომელიც გადაღებულია დომოფონის კამერით, უმალ მოხვდა სოციალურ ქსელებში და ასევე წამყვან მედია საშუალებებშიც კი.

"მსგავსი ჩხუბები ყოველთვის მაკვირვებდა, რადგან უაზრობაა. გოგონა არჩევანს თავად გააკეთებს და მნიშნელობა არა აქვს, თუ ვინ მოერევა."- წერს კომენტარში კომპოზიტორთა გამზირის ერთ-ერთი მაცხოვრებელი.

ფიზიკურად ძლიერმა ახალგაზრდებმა იარაღად უდანაშაულო თაიგული, გაზის ცრელმსადენი ბალონი და მუშტები გამოიყენეს. რაღაც მომენტში ჩხუბში ენერგიულად ჩაერია გამვლელი პეტერბურგელი ქალბატონი, ჩხუბის მონაწილეების სავარაუდოდ წიგნებით სავსე ცელოფანი გაუქანა და როგორც ჩანს ამან გარკვეულად იმოქმედა ახალგაზრდებმზე, ასაკოვანმა ქალბატონმა შეძლო დროებით მაინც დაეშორებინა და დაეშოშმინებინა ისინი.

თუმცა საბოლოოდ როგორ დასრულდა ეს ისტორია და ეს "რაინდული" ტურნირი, ან ვინ აირჩია მშვენიერმა ქალბატონმა(თუ აირჩია საერთოდ), უცნობია.

ნუ ჩხუბობთ, ბიჭებო!