თანამედროვე გოგონებმა არ იციან რა არის "კომბინაცია" (კომბინაცია - გახლავთ ელეგანტური, მჭიდროდ მორგებული ქალის პერანგი, რომელიც საცვლებზე, პირდაპირ კაბის ქვეშ იცმეოდა, რათა ფიგურის "ღირსებებისთვის" ხაზი კიდევ უფრო მეტად გაესვა. ჩვეულებრივი პერანგისგან განსხვავებით მას ჰქონდა გრძელი სიგრძე, წვრილი თასმები ან მხრები, ვიწრო წელი და გაშლილი ბოლო).

იყო დრო როცა ის ქალის საცვლების ყველაზე მოდურ ელემენტს წარმოადგენდა. სსრკ-ში მშვენიერი სქესის ყველა წარმომადგენელს, რომელიც საკუთარი გარეგნობის მიმართ გულგრილი არ იყო, ამ კომბინაციებში იწონებდა თავს. როგორც წესი, ადგილობრივი წარმოების იყო ბამბის, იმპორტირებული კი მაქმანებით გაწყობილი. მაშ, რატომ იყო მაშინ ისინი ასეთი პოპულარული და რატომ არის ისინი დღეს სრულიად მივიწყებული? დღევანდელ სტატიაში სწორედ ამაზე ვისაუბრებთ.

დღესდღეობით, ბევრი ამტკიცებს, რომ კომბინაციები საბჭოთა გამოგონებაა, რომელიც ძირითადად, სსრკ-ში და "სოციალისტური ბანაკის" ქვეყნებში იყო გავრცელებული, მაგრამ ასე არ არის - ამ ტიპის საცვლები პოპულარული ბევრ კაპიტალისტურ ქვეყანაშიც იყო, მაგალითად, იტალიაში, საფრანგეთში, გერმანიასა და ავსტრიაში.

საბჭოთა კავშირში განსაკუთრებული მოთხოვნა უფრო აბრეშუმისა და სინთეტიკურ კომბინაციებზე იყო. გდრ-ში, პოლონეთსა და იუგოსლავიაში წარმოებული ტანსაცმელი, რომელიც მაქმანებით იყო გაწყობილი და მაღალ ხარისხს განეკუთვნებოდა, ყოველთვის დეფიციტში იყო. კომბინაციები პოპულარული, პირველ რიგში, მიმზიდველი ვიზუალური მხარის გამო იყო. სსრკ-ში ლამაზ საცვლებთან დაკავშირებით ყველაფერი არც იმდენად კარგად იყო, ამიტომ თუნდაც ყველაზე უბრალო კომბინაციაც კი ნაქსოვ გამაშებთან შედარებით ბევრად უფრო სექსუალურად გამოიყურებოდა.

ამ ტიპის თეთრეულზე მოთხოვნის მეორე მიზეზი წმინდა ესთეტიკური იყო. საბჭოთა საზოგადოებაში სასტიკად იგმობოდა თამამი და სექსუალური სამოსი, ამიტომ საჭირო იყო არა მხოლოდ სხეულის შიშველი ნაწილების, არამედ ტანსაცმლის შიგნიდან მომზირალი ბიუსტჰალტერის დამალვაც კი, თუ ბლუზა გამჭირვალე იყო, საიდანაც თეთრეული მოჩანდა, ასეთი კომბინაცები სიტუაციას ერთმნიშვნელოვნად შველოდა.

მესამე, არანაკლებ მნიშვნელოვანი მიზეზი იყო პრაქტიკულობა. სსრკ-ს ეპოქაში მოდური, სინთეტიკური ქსოვილისგან დამზადებული კაბები და ქვედაბოლოები სხეულს საშინლად ეწებებოდა. იმ დროს კი ადვილი არ იყო ანტისტატიკური საშუალებების ჩვეულებრივ, საყოფაცხოვრებო ქიმიკატების მაღაზიაში შეძენა. კომბინაციები ტანსაცმელსა და სხეულს შორის დამატებით ფენას ქმნიდა, რითიც ის მოდისმოყვარულებს გარკვეული დისკომფორტისგან იცავდა.

ქალები კომბინაციებზე უარს არც ზამთარში ამბობდნენ, მიზეზი კი მარტივი იყო, კომბინაციები შალის უსიამოვნო სამოსის შეხებისგან კანს იცავდა და მშვენიერი სქესის წარმომადგენელთა კომფორტზეც ზრუნავდა. როგორც ირკვევა, სსრკ-ს ქალებს არაერთი მიზეზი ჰქონდათ რომ მაშინდელი გარდერობის ეს მნიშვნელოვანი ელემენტი განსაკუთრებულად ჰყვარებოდათ.

რატომ იქცა კომბინაცია ისტორიად

ახლა, როდესაც ბევრი ქალი უკვე სექსუალური იმიჯის შექმნას მის ხელთ არსებული ყველა საშუალებით ცდილობს, მსგავსი კომბინაციები უკვე სრულიად შეუფერებელი და არააქტუალურია. ბევრ გოგონას კი პირიქით, ის უფრო ადარდებს მოჩანს თუ არა მისი ლამაზი ქვედა საცვლები ტანსაცმლიდან. სპეციალურმა სარეცხმა საშუალებებმა, სპრეებმა თუ აეროზოლებმა ტანსაცმლის განმუხტვის პრობლემაც მოხსნა და ახლა უკვე სინთეტიკური სვიტერიც კი კანის აღარანაირ გაღიზიანებას არ იწვევს. კომბინაციები წარსულს ჩაბარდა. ლამაზ, მაცდუნებელ თეთრეულთან დაკავშირებით პრობლემებიც აღარ არსებობს. ვინ იცის, იქნებ ოდესღაც კომბინაციები კვლავ დაბრუნდეს მოდაში, როგორც ეს ფართეტოტიან შარვალებთან დაკავშირებით უკვე არაერთხელ მოხდა.