ადამიანის დაბადება ნამდვილი სასწაულია, რომლითაც აღფრთოვანებას თანამედროვე მეცნიერებაც კი არ წყვეტს. მეცნიერები მთელ მსოფლიოში მუდმივად სწავლობენ ამ პროცესს, ცდილობენ რაც შეიძლება მეტი ახალი დეტალი გაიგონ მის შესახებ. საბედნიეროდ, ინოვაციური ტექნოლოგიები ამის საშუალებას იძლევა.

თუმცა ჯერ კიდევ 1950-იან წლებში შვედმა ფოტოგრაფმა და ამასთან მეცნიერმა ლენარტ ნილსონმა ნამდვილად შეუძლებელი გააკეთა. მან მოახერხა ემბრიონის ევოლუციის გადაღება ჩასახვიდან დაბადებამდე და ამასთან ინფორმაციული და ძალიან საინტერესო სურათების მიღება.

როგორ მოახერხა ეს ასეთ დაბალტექნოლოგიურ პერიოდში? რა თქმა უნდა, ლენარტმა წარმატებას მაშინვე ვერ მიაღწია. ექსპერიმენტი ჩაატარა სხვადასხვა ტექნიკაში და გამოიყენა მაკროლინზები. საუკეთესო შედეგის მიღება შეძლო ცისტოსკოპის მილის ბოლოზე მიკროკამერისა და მიკროილუმინატორის მიმაგრებით. ნაყოფის განვითარების პროცესის დარღვევის გარეშე, ფოტოგრაფმა დააფიქსირა ყველა ეტაპი, რომელიც ხდება ქალის საშვილოსნოში ორსულობის დროს.

ფოტოგრაფმა 10 წელი დახარჯა, რომ მაქსიმალურად კარგი ფოტოები მიეღო. 1965 წელს ფოტოები გამოაქვეყნა ჟურნალში LIFE (იმ დროს პოპულარული ჟურნალი აშშ–ში), რის წყალობითაც ნილსონმა უზარმაზარი პოპულარობა მოიპოვა. ნილსონმა შექმნა ნამდვილად საოცარი ფოტოები. მისი წყალობით ხალხმა პირველად შეძლო საკუთარი თვალით ეხილა ადამიანის სიცოცხლის წარმოშობა და ადრეული განვითარება.

სპერმატოზოიდი მოძრაობს ფალოპის მილში კვერცხუჯრედისკენ

ასე გამოიყურება კვერცხუჯრედი

საბედისწერო შეხვედრა

1965 წელს ლენარტ ნილსონმა გამოაქვეყნა ილუსტრირებული წიგნი სახელწოდებით „ბავშვი დაიბადა“, რომელიც მოიცავდა არა მხოლოდ განვითარებადი ემბრიონის ფოტოებს, არამედ ექიმის ტექსტებს, ასევე რჩევებს მშობიარობამდე პერიოდისთვის. ამის შემდეგ ფოტოგრაფმა კიდევ რამდენიმე წიგნი გამოსცა. მათში აქცენტი ფოტოებზე იყო გამახვილებული.

სპერმატოზოიდი არღვევს კვერცხუჯრედის გარსს და მასში შედის.

1 კვირის შემდეგ ჩნდება ბლასტოცისტი – ემბრიონული უჯრედის ბურთი, რომელიც წარმოიქმნება განაყოფიერებული კვერცხუჯრედიდან.

ჩანასახი გადადის საშვილოსნოში და ფიქსირდება.

8 დღის

ემბრიონი, საშვილოსნოს ლორწოვან გარსზე მიმაგრებულია.

22 დღის

იწყება განვითარების პროცესი. ნაცრისფერი ზონა ბავშვის ტვინი ხდება.

24 დღის

ემბრიონს უვითარდება პრიმიტიული გული. მას უკვე აქვს ორი კამერა (პარკუჭები). გული დიდ როლს ასრულებს ემბრიონის განვითარებაში, რადგან პასუხისმგებელია სისხლის მიმოქცევაზე, რომელიც ანაწილებს საკვებ ნივთიერებებს და ჟანგბადს ყველა პატარა განვითარებად ორგანოში.

4 კვირის

ემბრიონის ზომები დაახლოებით 7 მილიმეტრია. ახლა აქვს სხეული თავით და კუდით.

5 კვირის

5 კვირაზე ემბრიონი 9 მმ–მდე იზრდება. მას უჩნდება სახის მსგავსი, რომელშიც უკვე ამოიცნობა მომავალი პირის, ცხვირის და თვალების ღიობები.

6 კვირის

ემბრიონის ზომა დაახლოებით 22 მილიმეტრია.

7 კვირის

სხეული ზრდას აგრძელებს. ის, რაც ოდესღაც ნებისმიერი პრიმიტიული ძუძუმწოვრის ემბრიონს ჰგავდა, ახლა მინიატურულ ადამიანს ემსგავსება. თავის ქალის ძვლები ჯერ კიდევ ძალიან მკვრივი არაა, ამიტომ ტვინი თხელი ხრტილის გასწვრივ ჩანს. შუბლის არეში ჩანს ორი დიდი ბუშტოვანი სტრუქტურა, რომელიც მალე ტვინი გახდება.

8 კვირის

ამ ეტაპზე ნაყოფს დაახლოებით 30 მმ სიგრძე აქვს და დაახლოებით 8 გრამს იწონის. გული, ხელები, თავი და ფეხები განვითარებულია.

9 კვირის

ნაყოფი სულ უფრო ემსგავსება ადამიანს. თავის ქალას ძვლების შერწყმის ადგილებში წარმოიქმნება ბევრი სისხლძარღვი.

12-13 კვირის

ნაყოფის მარცხნივ არის ყვითელი პარკი, რომელიც უზრუნველყოფს ემბრიონის კვებას პლაცენტის სრულ ჩამოყალიბებამდე.

13 კვირის

სწრაფად მზარდი ემბრიონი საიმედოდ არის დაცული დედის საშვილოსნოში.

16 კვირის

თხელი კანიდან ჩანს სისხლძარღვების ქსელი. ნაყოფი იწყებს ხელების გამოყენებას, რომ შეისწავლოს საკუთარი სხეული და გარემო.

18 კვირის

ნაყოფის ზომა დაახლოებით 14 სმ–ია. ახლა გარე სამყაროს ბგერების აღქმა შეუძლია.

20 კვირის

იწყება თავის და ტანი თმით დაფარვა.

23 კვირის

26 კვირის

განვითარების ამ ეტაპზე ნაყოფის ზომა დაახლოებით 30 სანტიმეტრია.

36 კვირის

მალე ბავშვი მზად იქნება, რომ ამქვეყნად მოევლინოს.

ლენარტ ნილსონმა მეცნიერებაში დიდი წვლილი შეიტანა. მან მედიცინის და შემოქმედების გაერთიანება შეძლო, რამაც პერსპექტივაში შესაძლებელი გახადა ახალი ჰორიზონტების გახსნა ფოტოხელოვნებაში.

აქ შეგიძლიათ ნახოთ მაკროფოტოებში აღბეჭდილი უხილავი ცოცხალი სამყარო Nikon Small World-ის მონაწილეებისგან.

უფრო მეტი იხილეთ აქ: Yoona-ს არხი