ოპტიკური ილუზიები, ანუ ვიზუალური ტყუილის ნიმუშები, ყოველწლიურად, სულ უფრო მეტად პოპულარული ხდება. ინტერნეტში უკვე, მსგავსი შინაარსის უამრავი ფოტოა გავრცელებული. ხოლო აშშ–ში, საუკეთესო ოპტიკური ილუზიის ფოტოს გამოსავლენად, კონკურსებიც კი ტარდება. მისი ორგანიზატორი კი, Neural Correlate Society–ია, რომელიც, აღქმის სფეროში, ადამიანის ტვინის ფუნქციონირების შეისწავლის. აქ სწორედ, ამ შინაარსის, რამდენიმე ფოტოს წარმოგიდგენთ:

პარიზის მოდის კვირეულზე 2019 წ. სელინ დიონი, კონტრასტული ფერების უჩვეულო, ბუშტუკების კაბით გამოჩნდა... მართალია, საზოგადოების ერთმა ნაწილმა მომღერლის ორიგინალური სამოსი არ "დააფასა" და მის კაბას თოჯინას ბადე უწოდა.

ჯიჯი ჰადიდი ჭიპის გარეშე


ცნობილი მოდელის ჯიჯი ჰადიდი, ამ ფოტოზე, მეტად უჩვეულო შეგრძნებას იწვევს. თუ მას მუცლის არეში დააკვირდებით, ნახავთ, რომ გოგონას ჭიპი არა აქვს. სინამდვილეში კი, ყველაფერი ძალიან მარტივადაა: მისი ბოდის ტონი, ზუსტად ემთხვევა მოდელის კანის ფერს.

2019 წლის Milan Design Week–ზე (მილანის დიზაინის კვირეული) მოქანდაკე ალექს ჩინეკმა (Alex Chinneck) დამსწრე საზოგადოება უზარმაზარი ელვა შესაკრავით გააოცა, რომელიც შენობის ფასადზე იყო. ის, თითქოს, სახლის გარე ფენას «ხსნიდა» და მის შიგნით ჩამონტაჟებულ ეკრანს აშიშვლებდა.

იტალიელი მხატვარი, რომელიც Peeta–ს ფსევდონიმით არის ცნობილი, ძველ შენობებს გასაოცარ ოპტიკურ ილუზიებად გარდაქმნის. მისი ნამუშევრების ნახვა როგორც ევროპაში, ასევე ავსტრალიაში, აზიასა და აშშ-ში შეიძლება. შენობის დათვალიერებისას, ხედვის კუთხის მიხედვით, აბსტრაქტული ფრესკები იშლება და მუდმივად იცვლება... შედეგად, ისეთი შეგრძნება ჩნდება, თითქოს შენობები ცოცხლდებიან და მოძრაობას იწყებენ.

ლოგოში სამი ფარული სიმბოლოა: ოქროს მედალი, ოლიმპიური ცეცხლი და მარიანას (საფრანგეთის რევოლუციის სიმბოლო) სახე. იმედია, სამივე იპოვეთ...

ლიტლ როკში (არკანზასის შტატი, აშშ) მეხუთე კლასის მოსწავლეებმა, სკოლის შენობის წინ, ზებრა–გადასასვლელ შეღებეს და ის სამგანზომილებიანად აქციეს.
იდეა კი, მარტივი და გასაგები იყო – უბედური შემთხვევის თავიდან აცილება. ახლა, სკოლის წინ, ყველა მძღოლი ამუხრუჭებს და გზას, სიტუაციაში გარკვევის შემდეგ აგრძელებს.

არხის სხვა სიახლეები:

* ჰიტლერის უკანასკნელი ინტერვიუ, რომელიც მან ბუნკერში, სიკვდილამდე ცოტა ხნით ადრე, მისცა

* სულ სხვა რაკურსით – ჩვენთვის ცნობილი ნივთები შიგნიდან

* დიზაინერების საინტერესო მიგნება, რომლის ნახვა ნამდვილად ღირს (II ნაწილი), განსაკუთრებით იმ შემთხვევაში, თუ სახლში, ფართის დეფიციტს განიცდით

* ხე თანამედროვე სამზარეულოს ინტერიერში – 35 კრეატიული იდეა