შოუბიზნესი
ახლოდან - ყველა "დეფექტი" ჩანს: როგორ გამოიყურებიან სელებრითები რეალურ ცხოვრებაში
2023, 25 სექტემბერი, 22:56
მსოფლიო შოუ - ბიზნესის ცნობილი წარმომადგენლები სცენაზეც და წითელ ხალიჩაზეც უნაკლოდ გამოიყურებიან. მათი სრულყოფილებით აღფრთოვანებული ახალგაზრდა და გულუბრყვილო გოგონები კი თავდავიწყებით ცდილობენ თავიანთ კერპებს რაიმენაირად მაინც დაემსგავსონ, თუმცა ეს იდეა თავიდანვე წარუმატებლობისთვის არის განწირული, ვინაიდან ვარსკვლავების გარეგნული სრულყოფილება დიდწილად სწორედ მათი სტილისტების, ვიზაჟიტსებისა და ზოგჯერ პლასტიკური ქირურგების დამსახურებაა, და ამაში ქვემოთ წარმოდენილი ფოტოებიდანაც დარწმუნდებით.
გვინეთ პელტროუ
მსახიობის ფეხის თითები იდეალურისგან საკმაოდ შორს არის: ისინი მეტისმეტად გრძელი და მრუდეა, მაგრამ სელებრითი ამის გამო სულაც არ კომპლექსდება. არ უნდა დაგვავიწყდეს, რომ არც ერთი ჩვენგანი იდეალური არ არის, ხოლო თუ სწორ რაკურსს შევარჩევთ და ამასთან, სწორ ფეხსაცმელსაც ვატარებთ, მაშინ ჩვენს ნაკლს ღირსებადაც კი ვაქცევთ.
ირინა შეიკი
მსოფლიოში ერთ-ერთი ყველაზე პოპულარული მოდელიც კი არ არის სრულყოფილი. "ცოცხალ" ფოტოებზე ცხადად ჩანს რომ შეიკის ფიგურა იდეალურისგან საკმაოდ შორს არის, გარდა ამისა, ზოგჯერ ის თავის ნაკლს ხაზს არასათანადო ჩაცმულობითაც უსვამს.
პერის ჰილტონი
მსოფლიოში ყველაზე დიდი სასტუმროების ქსელის "Hilton Hotels"-ის მემკვიდრეს დაბადებიდან ამბლიოპია აღენიშნება და ფოტოგრაფების წინაშე პოზირებას ყოველთვის მარჯვენა მხრიდან ცდილობს. მართალია, პერისს ამაზე საუბარი არ უყვარს და ყოველ ხელსაყრელ მომენტში თავისი ე.წ. "ზარმაცი თვალის" დემონსტრირებასაც ერიდება, თუმცა გოგონა აღნიშნულ პრობლემას არც ისე მძაფრად განიცდის.
ჯეისონ მომოა
მსახიობი თავისი მოქმედებებით ამტკიცებს, რომ ის ჩვეულებრივი ადამიანია და არა "აკვამენი", ამიტომ გადასაღები მოედნის მიღმა, თავისუფალ დროს შეუძლია თავს ჩიფსებისა და ბურგერების ჭამის უფლებაც მისცეს, თუმცა ამასთან, ჰოლივუდის ვარსკვლავმა მშვენივრად იცის როგორ მოიყვანოს მომდევნო მეომარი გმირის როლისთვის საკუთარი სხეული ფორმაში უმოკლეს დროში.
ელიზაბეტ ჰერლი
ჰეითერებს იმდენად სურდათ მომხიბვლელი მსახიობის გარეგნობაში რაიმე ნაკლის პოვნა რომ გამადიდებელი შუშით პედიკურიც კი შეუმოწმეს, რომელიც სელებრითს არც ისე იდეალურ მდგომრეობაში აღმოაჩნდა. ჰეითერები ერთხმად აღშფოთდნენ როგორ შეიძლებოდა ვარსკვლავს ასეთი მოუვლელი ფრჩხილები ჰქონოდა, თუმცა ჰარლის მსგავსი შინაარსის კომენტარებისთვის ყურადღება არც კი მიუქცევია.
უმა თურმანი
რეჟისორ კვენტინ ტარანტინოს ცნობილი ფილმის "მოკალი ბილის" წარმოუდგენლად სპორტულ და მოხდენილ ვარსკვლავს თავისი კანის მდგომარეობა და გამოხატული ცელულიტი დიდი ხნის განმავლობაში აღელვებდა, თუმცა "ფორთოხლის კანის" წინააღმდეგ ბრძოლაში სელებრითს ვერაფერმა უშველა, დროთა განმავლობაში ის სხეულზე მის არსებობასაც შეეგუა. დღესდღეობით, მსახიობს თავისი კანის უსწორმასწორო ზედაპირი ყველაზე ნაკლებად ადარდებს.
ნაომი კემპბელი
ვარსკვლავი თავისი სიმელოტის დამალვას დიდი ხნის განმავლობაში გამალებით ცდილობდა, რომელიც მას პოდიუმზე ყოფნისას განუვითარდა. თმაზე ჩატარებულმა დაუსრულებელმა ექსპერიმენტებმა მოდელის სკალპზე ნეგატიური გავლენა იქონია. სიმელოტის დამალვით გადაღლილი სელებრითი პერიოდულად საზოგადოებაში პარიკის გარეშეც კი ჩნდება.
