ვიეტნამის ომის დროს ქვეყანაში ამერიკელი სამხედრო მოსამსახურეებისთვის მთელი სექს - ინდუსტრია გაჩნდა. "ღამის პეპლები" იმ ბარებში იკრიბებოდნენ, სადაც ამერიკელები ხშირად ერთობოდნენ, სწორედ მათ სთავაზობდნენ ვიეტნამელი ქალები ანაზღაურების სანაცვლოდ თავიანთ მომსახურებას. ომის შემდეგ ასეთი კავშირების შედეგად დაახლოებით 50 ათასი ბავშვი დაიბადა, რომელთაც დამცინავად " bui doi" ("ცხოვრების ჭუჭყს")-ის უწოდებდნენ.

ქვეყანა მძიმე ეკონომიკურ კრიზისში იმყოფებოდა და ვიეტნამელ ქალებს სხვა გზა არ რჩებოდათ, გარდა იმისა რომ ამერიკელი ჯარისკაცები ესიამოვნებინათ, თუმცა ყველა მათგანი ასე არ იქცეოდა, ბევრი ვიეტნამელი იმ წლებში სიკვდილს სწორედ საკუთარი სხეულის გაყიდვით გადაურჩა.

ბევრი ქალი პროსტიტუციაში საკუთარი ნების წინააღმდეგ, იძულებით იქნა ჩაბმული. მათი უმრავლესობა საკუთარი სხეულით გამომუშავებულ ფულს პრაქტიკულად ვერც კი ხედავდა, ვინაიდან ის ან სუტენიორს ან იმ ბარის მეპატრონეს მიჰქონდა, სადაც ამერიკელი ჯარისკაცები იკრიბებოდნენ. ზოგჯერ ქალებს სილიკონის ინექციებსაც კი უკეთებდნენ, რათა მათ სხეულს სასურველი ფორმები მიეღო და ამერიკელებს აზიელი ქალბატონების გარემოცვაში თავი "როგორც სახლში" ისე ეგრძნოთ. პორტალმა "Vintage Everyday"-იმ საინტერესო ფოტოების სერია გამოაქვეყნა, სადაც ბარებში მომუშავე გოგონები მათთვის სრულიად ბუნებრივ გარემოში არიან აღბეჭდილი.