80 წლის ასაკშიც კი რობერტ დე ნირო სრულფასოვნად ცხოვრობს. ის თავისზე ბევრად უმცროს ქალს ხვდება და მეშვიდედ მამაც კი გახდა ! ჰოლივუდის მსახიობი პირადი ბედნიერების ახალ ეტაპს გადის, მაგრამ რა რჩება წარსულში? მოდით გავეცნოთ დე ნიროს ყოფილ ცოლებს .

მიუხედავად იმისა, რომ მსახიობს ბევრი რომანი ჰქონდა და ქორწინების გარეშე ჰყავს შვილები, ის მხოლოდ ორჯერ იყო დაქორწინებული. ორივეჯერ შავკანიან ქალზე.

დაიან ებოტი

დიანა არის მსახიობი და მომღერალი, დაიბადა ნიუ-იორკში 1945 წლის 1 იანვარს. 1970-იან და 1980-იან წლებში იგი საკმაოდ წარმატებული და მოთხოვნადი მსახიობი იყო, როლების სოლიდური რეზიუმეთი. მან ასევე ითამაშა ეპიზოდური როლი ფილმში "ტაქსის მძღოლი", რომელშიც რობერტიც თამაშობდა.სწორედ გადასაღებ მოედანზე გაიცნეს მათ ერთმანეთი თუმცა, ებოტის კარიერამ 1980-იანი წლების ბოლოსთვის ნელნელა დაღმა სვლა დაიწყო, ასე რომ, დღეს ის უფრო ცნობილია როგორც რობერტის პირველი ცოლი, რომელიც მასზე 1976 წელს დაქორწინდა.

ქორწინების პირველ წელს მათ შეეძინათ ვაჟი, რაფაელ დე ნირო. თუმცა ებოტს ასევე ჰყავდა ქალიშვილი, დრენა, წინა ურთიერთობიდან, რომელიც რობერტმა იშვილა. დრენა ასევე გახდა მსახიობი და სუპერწარმატებულ მამასთან ერთად ითამაშა რამდენიმე ფილმში, როგორიცაა The Tail Wags the Dog, City by the Sea და The Intern.

რაც შეეხება მსახიობის ბიოლოგიურ ვაჟს, სამსახიობო პროფესიით მაინცდამაინც არ იყო მოხიბლული და უძრავი ქონების გაყიდვა დაიწყო.

დიანას და რობერტის ქორწინება 1988 წელს დასრულდა.

გრეის ჰეიტაუერი

გრეისი არის მსახიობი, მეწარმე და ფილანტროპი, დაიბადა მისისიპში 1955 წლის 7 აპრილს. მიუხედავად იმისა, რომ ფილმებში თამაშობდა, უფრო მეტად ბიზნესითაა დაინტერესებული. მაგალითად, მას აქვს რუანდის ყავის მწარმოებელი კომპანია.

რობერტი და გრეისი დაქორწინდნენ 1997 წელს, თითქმის ათი წლის შემდეგ, როდესაც ისინი პირველად შეხვდნენ ლონდონის ღამის კლუბში. 1998 წლის მარტში შეეძინათ მათ პირველი შვილი, ვაჟი ელიოტი. მაგრამ ერთი წლის შემდეგ, დე ნირომ მოულოდნელად განქორწინება მოითხოვა.

დაძაბული ბრძოლა დაიწყო მეურვეობის შესახებ, მაგრამ წყვილმა საბოლოოდ შერიგდა და 2004 წელს კვლავ აღთქმა დადო ერთმანეთისთვის. 2011 წელს მათ მეორე შვილი შეეძინათ - სუროგატ დედას შეეძინა გოგონა, სახელად ჰელენა.

მაგრამ შვიდი წლის შემდეგ, ქორწინება საბოლოოდ დასრულდა . რობერტმა დაადასტურა, რომ ის და გრეისი კვლავ განქორწინდნენ.

გაყრის პროცესმა სკანდალების გარეშე არ ჩაიარა. ამრიგად, გრეისმა მოითხოვა, რომ მსახიობის ანგარიშიდან მისი საკრედიტო ბარათის ლიმიტი ყოველთვურად თვეში 100 ათასი დოლარით განსაზღვრულიყო, თუმცა დე ნირომ თანხა გაანახევრა - პანდემიის გამო მსახიობს ფინანსური სირთულეები შეექმნა.

რობერტ დე ნიროს, რომ აშკარად შავკანიანი ქალებისკენ ჰქონდა მიდრეკილება ამის დასტურია ურთიერთობა ტუკი სმიტთან, პემ გრეიერთან, ნაომი კემბელთან და უიტნი ჰიუსტონთან.