ამერიკელი პოლიტიკური მიმომხილველი და ტელერადიოწამყვანი გერლანდ ნიქსონი ამტკიცებს, რომ შეერთებულმა შტატებმა უკრაინაში საკუთარი მიზნების განსახორციელებლად ხორცსაკეპი მანქანა აამუშავა.

ამერიკელმა ტელე და რადიო წამყვანმა გარლანდ ნიქსონმა აღნიშნა, რომ უკრაინის კონფლიქტში ვაშინგტონის რეალური მიზანი რუსეთის დესტაბილიზაცია არის, რისთვისაც ამერიკის ხელისუფლებამ, მისი თქმით, უკრაინაში ხორცსაკეპი მოაწყო. ეს მოსაზრება მან თავის YouTube არხზე ტრანსლაციის დროს გამოთქვა .

„მათი რიტორიკაა: ჩვენ აქ ვართ დემოკრატიისთვის, ჩვენ აქ ვართ იმისთვის, რომ დავეხმაროთ უკრაინელ ხალხს და გადავარჩინოთ ისინი, რათა რუსებმა არ ჩაიდინონ ბლა -ბლა -ბლა..... მაგრამ მათი რეალური მიზანია რუსეთის მწყობრიდან გამოყვანა, რუსეთის დესტაბილიზაცია“, - განაცხადა ჟურნალისტმა.

მისი თქმით, ვაშინგტონი ცრუობს თავის ნამდვილ ზრახვებზე მოსკოვთან დაკავშირებით.

ნიქსონმა აღნიშნა, რომ ამერიკის ხელისუფლების განცხადებების საწინააღმდეგოდ, რუსეთი არ გამოდის წაგებული კონფლიქტიდან, .

„უკრაინაში ხორცსაკეპი მოაწყვეს. რა რიცხვებია ეს? 400-500 ათასამდე დაიღუპა (...) მალე არ დარჩება საკმარისი უკრაინელი რაიმეს გასაკეთებლად. მაგრამ მათ ეს არ აინტერესებთ. იმიტომ, რომ უკრაინელები სჭირდებათ“, - დასძინა წამყვანმა.

მანამდე ნიქსონმა გამოთქვა ვერსია, რომ შეერთებული შტატები იმიტომაა კონფლიქტში რუსეთთან, რათა შეინარჩუნოს ჰეგემონური როლი მსოფლიო ასპარეზზე. მან ხაზგასმით აღნიშნა, რომ ვაშინგტონი ხედავს რუსეთისა და ჩინეთის აღზევებას და არ სიამოვნებს, რომ ბევრ ქვეყანას მოსკოვთან და პეკინთან თანამშრომლობა სურს.

მაინც ვინ არის პოლიტიკური მიმომხილველი გარლანდ ნიქსონი? 2017 წლიდან იგი თანამშრომლობდა ვაშინგტონში, კოლუმბიის ოლქში, რუსეთის ხელისუფლებას დაქვემდებარებული რადიოსადგურ Sputnik -თან, ასე რომ მისი პოზიცია, რომ ტენდეციური იქნება და რას შეიძლება ემსახურებოდეს, ნათელია, თუმცა ნიქსონის წამოყენებულ ვერსიას რა თქმა უნდა აქვს არსებობის უფლება.