„ჰარის პოლ“-ის (Harris Poll -გლობალური ბაზრის კვლევისა და საკონსულტაციო ფირმა) და ამერიკის გულის ასოციაციის (აგა) მიერ ჩატარებული ახალი გამოკითხვის თანახმად, ინფარქტსა და ინსულტს გადარჩენილთა 70 პროცენტს წარმოდგენაც არ ჰქონდა, რომ LDL ქოლესტერინს ჩვეულებრივ მოიხსენიებენ, როგორც „ცუდ ქოლესტერინს“, რადგან ის ხელს უწყობს ცხიმის დაგროვებას არტერიებში. გამოკითხვამ ასევე დაადგინა, რომ გულის შეტევას და ინსულტს გადარჩენილთა 75 პროცენტმა აღნიშნა, რომ მაღალი ქოლესტერინი ჰქონდათ, მაგრამ მხოლოდ 49 პროცენტი ანიჭებდა უპირატესობას მის შემცირებას.

გამოკითხვამ აჩვენა, რომ ბევრმა ადამიანმა აშკარად არ იცის მავნე ქოლესტერინის უარყოფითი გავლენა გულის ჯანმრთელობაზე, რაც სერიოზულ შეშფოთებას იწვევს, რადგან გულის დაავადება არის სიკვდილიანობის პირველი მიზეზი შეერთებულ შტატებში. სინამდვილეში, არსებობს ერთი შეცდომა, რომელსაც კარდიოლოგების თქმით, ბევრი ადამიანი უშვებს, რითაც საკუთარ თავს პირდაპირ საფრთხეში აყენებს.

ჩვეულებრივი შეცდომა, რომელმაც შეიძლება ზიანი მიაყენოს თქვენს ჯანმრთელობას თქვენი ქოლესტერინია

დონალდ ლოიდ-ჯონსი, მედიცინის დოქტორი, ჩრდილო-დასავლეთის უნივერსიტეტის ფეინბერგის მედიცინის სკოლის პროფილაქტიკური მედიცინის განყოფილების თავმჯდომარე და ამერიკის გულის ასოციაციის ყოფილი პრეზიდენტი, ამბობს, რომ ბევრ ადამიანს აქვს გენების ნაზავი, რაც მათ უფრო მიდრეკილს ხდის ქოლესტერინის შეწოვისკენ და გაჯერებული ცხიმები მათი რაციონიდან, მათ უფრო მაღალი ქოლესტერინის რისკის ქვეშ აყენებს. „სისხლში LDL-ქოლესტერინის დონე არის გულ-სისხლძარღვთა დაავადებების ძირითადი გამომწვევი რისკ-ფაქტორი“, - ამბობს დრ. ლოიდ-ჯონსი.

მისი თქმით, პრობლემა ის არის, რომ ბევრი ადამიანი ვერ აცნობიერებს თავის რისკს. სწორედ ამიტომ მნიშვნელოვანია იცოდეთ, თუ რამდენია თქვენი ქოლესტერინის რაოდენობა და გაარკვიოთ, ხართ თუ არა მგრძნობიარე დიეტური ქოლესტერინის მიმართ. ის ამბობს, რომ ქოლესტერინის დონისა და რისკის დასადგენად ექიმის კონსულტაციისათვის არ მიმართვა არის ნომერ პირველი შეცდომა, რომელსაც ადამიანები უშვებენ, როცა საქმე ქოლესტერინის დონის კონტროლს ეხება.

რა ხდება, თუ ექიმთან მიდიხართ და იგებთ, რომ მაღალი რისკის ქვეშ ხართ ან თქვენი მავნე ქოლესტერინი უკვე მაღალია? დრ. ლოიდ-ჯონსი ამბობს, რომ მაშინ მნიშვნელოვანია, ყურადღება მიაქციოთ თქვენს დიეტას - შეზღუდოთ რძის ცხიმები, კვერცხის გული და წითელი ხორცი.

„როცა საქმე კონკრეტულად ქოლესტერინს ეხება, ჩვენ უფრო მეტად დიეტაზე ვართ ფოკუსირებული, ვიდრე ვარჯიშზე“, - ამბობს მედიცინის მეცნიერებათა დოქტორი კარიშმა პატვა, კარდიოლოგი ‘მანჰეტენის კარდიოლოგიის’ და ‘ლებფაინდერ.კომ-ის (LabFinder.com ) კონტრიბუტორი. ის განმარტავს, რომ გაჯერებული ცხიმებით მდიდარი საკვების ხშირად მიღებამ შეიძლება გამოიწვიოს მავნე ქოლესტერინის მატება. მაგრამ ის დასძენს, რომ არსებობს მნიშვნელოვანი კავშირი დიეტასა და ქოლესტერინს შორის, რომელიც ბევრმა არ იცის. ის, რაც ზოგიერთმა ადამიანმა არ იცის, არის ის, რომ შაქრიანი და მაღალი გლიკემიური ინდექსის საკვები ხელს უწყობს ტრიგლიცერიდების დონის ამაღლებას, რაც ასევე წარმოადგენს გულ-სისხლძარღვთა რისკს, ” - ამბობს ის. სხვა სიტყვებით რომ ვთქვათ, არა მხოლოდ გაჯერებული ცხიმებით მდიდარი საკვები შეიძლება უარყოფითად მოქმედებდეს მავნე ქოლესტეროლის რაოდენობაზე, არამედ შაქრიანი და მაღალი გლიკემიური საკვებიც.

როგორ შევამციროთ მაღალი ქოლესტერინის რისკი

როგორ შეგიძლიათ გამოიყენოთ ექიმების შეხედულებები თქვენს ცხოვრებაში და შეამციროთ მაღალი ქოლესტერინის რისკი? პირველ რიგში, როგორც დრ. ლოიდ-ჯონსმა ხაზგასმით აღნიშნა, მნიშვნელოვანია იცოდეთ თქვენი ქოლესტერინის დონე. ის ამბობს, რომ მაღალი ქოლესტერინის მქონე ზოგიერთ ადამიანს შეუძლია ისარგებლოს რეცეპტით გაცემული მედიკამენტების მიღებით. თუმცა, ის ხაზს უსვამს, რომ მედიკამენტები არ არის ჯანსაღი კვებისა და ცხოვრების წესის შემცვლელი.

აქედან გამომდინარე, ეს ნიშნავს, რომ თუ თქვენ გაქვთ მაღალი ქოლესტერინი, მნიშვნელოვანია მინიმუმამდე დაიყვანოთ გაჯერებული ცხიმების, შაქრის ან მაღალი გლიკემიური ინდექსის მქონე საკვების მიღება. მაღალი გლიკემიური ინდექსის მქონე საკვების მაგალითებია შაქრიანი სასმელები (როგორიცაა გამაგრილებელი სასმელები ან არომატიზებული ყავის სასმელები), ცომეული, თეთრი პური და თეთრი კარტოფილი.

„მიუხედავად იმისა, რომ ძნელია საკვების ჯგუფების სრულად აღმოფხვრა, გულისთვის ჯანსაღ დიეტაზე ფოკუსირება კარგი საწყისი წერტილია“, - ამბობს დოქტორი პატვა. ფოკუსირება მოახდინეთ ახალ ხილსა და ბოსტნეულზე, მთლიან მარცვლეულზე, ლობიოზე და პარკოსნებზე, თევზსა ​​და ზღვის პროდუქტებზე და ჯანსაღ ცხიმებზე.

ის ასევე ამბობს, რომ მნიშვნელოვანია რეგულარულად ვარჯიში (‘აგა’ გირჩევთ კვირაში 150 წუთს ზომიერი ინტენსივობის ვარჯიშს), მინიმუმამდე დაიყვანოთ ალკოჰოლის მოხმარება და მოერიდოთ თამბაქოს ნაწარმს.

ორივე კარდიოლოგი ამბობს, რომ თუ ვინმე გაითვალისწინებს დაიცვას ეს რეკომენდაციები, აბსოლუტურად შესაძლებელია ქოლესტერინის მაღალი დონის შეცვლა. „ცხოვრების სტილის ცვლილებამ, თუ ის მდგრადია, შეიძლება გავლენა იქონიოს სისხლში ქოლესტერინის დონეზე სულ მცირე ოთხიდან ექვს კვირაში“, - თქვა ექიმმა ლოიდ-ჯონსმა.

თქვენს ხელშია თქვენი გულის ჯანმრთელობა; მხოლოდ თქვენზეა დამოკიდებული გულ-სისხლძარღვთა დაავადების რისკის მინიმუმამდე შემცირება და ეს იწყება თქვენი ქოლესტერინის მართვით. იცოდეთ თქვენი ქოლესტერინის რაოდენობა და იმოქმედეთ შესაბამისად. თქვენ გაქვთ ძალა გააკონტროლოთ თქვენი ჯანმრთელობა!

ავტორი: ემილი ლოურენსი (Emily Laurence)