გამოსავალი, ნებისმიერი ეკონომიკური კრიზისიდან არსებობს. მაგრამ, მისი პოვნა არც ისე ადვილია, რადგან ქვეყნის გადასარჩენად ფული, დიდი რაოდენობით ფულია საჭირო... გერმანია კი, ვერსალის გამანადგურებელი ხელშეკრულების შემდეგ, თითქოს ჯადოსნურად აღსდგა ფერფლიდან და საოცრად სწრაფად, სულ რაღაც, 20 წელში, კაცობრიობის ისტორიაში, ყველაზე მასშტაბური ომის გასაჩაღებლად მოემზადა. რა იყო ეს? – ეკონომიკური სასწაული, თუ პარტნიორის უპრეცედენტო დახმარება?

ნიურნბერგის პროცესზე, გერმანიის მთავარმა რაიხ ბანკირმა ჰიალმარ შახტმა განაცხადა, რომ გერმანიის სამხედრო და ფინანსური სიძლიერის უზრუნველყოფაში, დამნაშავეები მოკავშირეები იყვნენ – მათ ხომ, არც კი უცდიათ, აგრესიულ ქვეყანასთან კონტაქტის შეწყვეტა? მაგ., «Opel»–ი და «General Motors»–ი, რომელიც ამერიკულ კომპანიებს ეკუთვნოდა, პროდუქციას, ფაქტობრივად, ომის ბოლომდე უშვებდა... პროცესზე ასევე გაირკვა, რომ თავად ჰიალმარ შახტი, ხელისუფლებასთან მოლაპარაკებების საწარმოებლად, რამდენჯერმე იყო აშშ–ში.

ჯერ კიდევ ოციან წლებში, როდესაც გერმანია, რეპარაციების გადახდის გამო, ძალიან დასუსტდა, ბევრმა ამერიკულმა კომპანიამ, მათ შორის, როკფელერების საკუთრებაში არსებულმა, მასობრივად დაიწყეს გერმანული აქტივების შესყიდვა. ხოლო, როდესაც მრეწველობა გაუმჯობესდა და მოგებას იძლეოდა, ომის გამო, ბიზნესმენებმა ფულზე უარის თქმა ვეღარ შეძლეს.

1941 წლის დეკემბერში, აშშ-ს ხელისუფლებამ ბრძანებულება გამოსცა, რომლის მიხედვითაც, ნებისმიერი ტრანზაქცია გერმანელ ბიზნესმენებთან, ნებადართული იყო, გარდა იმ შემთხვევებისა, რომელიც კონკრეტულად იყო აკრძალული ამერიკის ხელისუფლების მიერ. მაგ., კომპანია «Standard Oil»–ი, რომელიც როკფელერებს ეკუთვნოდა, მთელი ომის მანძილზე, გერმანიას საწვავით ამარაგებდა.

ომის დასრულებიდან, ათწლეულების შემდეგ, იტალიელმა ჟურნალისტმა გვიდო პრეპარატამ ძიება ჩაატარა და დაადგინა, რომ "ნსდაპ" (ნაციონალ-სოციალისტური გერმანული მუშათა პარტია) უმაღლესი წრე მჭიდრო კავშირში იყო აშშ–ს ცენტრალურ ფიგურებთან და ინგლისელ ბიზნესმენებთან. ისინი გულუხვად რიცხავდნენ შემოწირულებებს ნაცისტური პარტიის ანგარიშებზე და ფაქტობრივად, ჰიტლერი და მისი გარემოცვა, ხელისუფლებაში სწორედ მათ მოიყვანეს. მან გაარკვია, რომ მაგნატები როკფელერები და მორგანები, ყველანაირად უწყობდნენ ხელს, ნიუ-იორკის საფონდო ბირჟაზე, გერმანული კომპანიის ფასიანი ქაღალდების პოპულარიზაციას.

ნაციზმის ერთ-ერთი მთავარი ამერიკელი სპონსორი ავტომწარმოებელი ჰენრი ფორდი იყო, რომლის პორტრეტი ჰიტლერის სამუშაო კაბინეტის კედელზე ყოველთვის ეკიდა. ერთხელ, ჟურნალისტისთვის ინტერვიუს მიცემისას, ჰიტლერმა აღნიშნა, რომ ფორდი მას შთაგონებდა... ხოლო, შემდეგ, იმ დახმარებაზეც ისაუბრა, რომელიც ამერიკელმა ბიზნესმენმა ნაცისტურ პარტიას აღმოუჩინა. ამ გულუხვობისთვის, ჰენრი ფორდი ნაცისტური გერმანიის უმაღლეს სამხედრო ჯილდოზე – რკინის ჯვარზეც კი იყო წარდგენილი.

არხის სხვა სიახლეები:

* 4, თუ 90 ათასი წლის წინ? – როდის შეიქმნა ცივილიზაცია, რომელმაც პირამიდები ააშენა?

* რატომ დაიმოკლა ჰიტლერმა ულვაში... და სხვა საინტერესო ფაქტები ფიურერის შესახებ

* იდუმალი საცავი, რომელსაც პლანეტის განადგურება შეუძლია