წინასაქორწინო შეთანხმების მიხედვით, მომღერალ ბრიტნი სპირსის ქმარი, ფიტნეს ინსტრუქტორი სემ ასგარი მისგან ფულს ვერ მიიღებს. ვარსკვლავების განქორწინების პირობები პორტალმა TMZ გამოაქვეყნა.

წინასაქორწინო ხელშეკრულებაში წერია, რომ ასგარი ვერ მიიღებს ვერც ერთჯერად კომპესაციას ან მეუღლის დახმარებას. ამავდროულად, მას შეუძლია დაიტოვოს ბრიტნისგან მიღებული საჩუქრები და მანქანა.

გარდა ამისა, ხელშეკრულების ერთ-ერთი პუნქტი ასგარის უკრძალავს მომღერალთან ურთიერთობაზე საუბარს.

თუმცა, მამაკაცის ადვოკატმა, ნილ ჰერშმა სასამართლოში შეიტანა დოკუმენტები მეუღლის ფინანსური დახმარების მოთხოვნით. სავარაუდოდ, წყვილის ადვოკატები შეეცდებიან მოლაპარაკებას ასგარის სასარგებლოდ სასამართლოს გარეშე გადაწყვიტონ, რადგან მას ბრიტნის ზედმეტად მგრძნობიარე ინფორმაცია აქვს მათი ურთიერთობის შესახებ.

TMZ-ის ცნობით, სემ ასგარიმ ბრიტნი სპირსთან განქორწინება მოითხოვა ჭორების გამო. გამოცემის წყარომ განმარტა, 41 წლის ბრიტ­ნი სპირ­სმა 29 წლის სემ ას­გა­რის ერთ-ერთ ში­ნა­მო­სამ­სა­ხუ­რეს­თან უღა­ლა­ტა.

ასევე ცნობილი გახდა, რომ მეუღლეებს შორის ძლიერი ჩხუბი მოხდა, რის შემდეგაც ასგარი საერთო სახლიდან გადავიდა და ახლა მარტო ცხოვრობს. მან დასძინა, რომ წყვილს ურთიერთობის სერიოზული პრობლემები რამდენიმე თვის წინ დაეწყო.

წყვილთან დაახლოებული წყაროები ირწმუნებიან, რომ სპირსი ურთიერთობის დროს არაერთხელ სცემდა ქმარს, მათ შორის ძილის დროსაც.

"ბრიტ­ნის საკ­მა­ოდ არამ­ყა­რი ფსი­ქი­კუ­რი მდგო­მა­რე­ო­ბა აქვს და ქმარ­ზე ფი­ზი­კუ­რა­დაც ძა­ლა­დობ­და. ერთხელ მძი­ნა­რე­საც და­ეს­ხა თავს და თვა­ლი ჩა­უ­ლურ­ჯა" - წერს მე­დია.

ბრიტ­ნი და სემი ერ­თმა­ნეთს 2016 წელს, კლი­პის გა­და­ღე­ბი­სას შეხ­ვდნენ. წყვი­ლი 2022 წლის ზა­ფხულ­ში და­ქორ­წინ­და. ეს მომ­ღერ­ლის მე­სა­მე ქორ­წი­ნე­ბა იყო.