ხან ისეც ხდება, რომ ადამიანები ისეთ სიტუაციებში ვარდებიან, რომ მათი დაღუპვა გარდაუვალია და მხოლოდ დროის საკითხია. თუმცა, ხანდახან, ყველაფრის მიუხედავად, გადარჩენას მაინც ახერხებენ...

ედუარდო ლეიტე (Eduardo Leite) მშენებლობაზე მუშაობდა, როდესაც რამდენიმე ზემოდან ლითონის ძელაკი ჩამოვარდა, რომელმაც მუშის ჩაფხუტში გაიარა და თავის ქალის უკანა ნაწილიდან, პირდაპირ თვალებს შორის გამოიარა. როდესაც მამაკაცი საავადმყოფოში მიიყვანეს, ის ამტკიცებდა, რომ საერთოდ ვერ გრძნობდა ტკივილს და თავში გაჭედილი ლითონი არ აწუხებდა. ექიმებმა ოპერაციის შემდეგ განაცხადეს, რომ ძელაკი სულ რამდენიმე სანტიმეტრით ასცდა ტვინის მხედველობის არეს და იმ ადგილს, რომელსაც სხეულის მარცხენა მხარის პარალიზება შეეძლო.

თოვლის ტყვეობაში

შვეიცარიელ მამაკაცს, რომელმაც უამინდობის გამო, მანქანა გააჩერა (თუ გაუჩერდა), ქარბუქმა თოვლი მიაყარა და ის საკუთარ მანქანაში, 2 თვის მანძილზე, დაატყვევა – თან, ყოველგვარი საკვების გარეშე. როდესაც თოვლი გადნა და ის იპოვეს, იმდენად დასუსტებული იყო, რომ ლაპარაკიც კი არ შეეძლო. გამოჯანმრთელების შემდეგ მან თქვა, რომ იმ ხნის მანძილზე, რაც ტყვეობაში იყო, თოვლით იკვებებოდა. საერთოდ, ადამიანს საკვების გარეშე, 4 კვირა შეუძლია გაძლოს. ხოლო, ამ სიტუაციასთან დაკავშირებით, ექიმებმა აღნიშნეს, რომ მამაკაცი იმან გადაარჩინა, რომ ის ლიტურგიულ ძილში ჩავარდა (ისე როგორც ამას დათვები აკეთებენ), მისი სხეულის ტემპერატურა 31 გრადუსამდე დაეცა და დიდი რაოდენობით ენერგიის დახარჯვა საჭირო არ იყო.

ჩხრიალა გველების მსხვერპლი

16 წლის გოგონა ნათესავთან იყო სტუმრად და სახლის სიახლოვეს, ჩხრიალა გველების ბუდეში ჩავარდა. მას ერთმა დიდმა და 5 პატარა გველმა უკბინა. რთულია იმის შეფასება, თუ მის ორგანიზმში რა რაოდენობის შხამი მოხვდა, რადგან ჩხრიალა გველს, კბენის დროს, შხამის რეგულირება და კონტროლი შეუძლია. თუმცა, პაციენტის მდგომარეობის მიხედვით, რომელსაც მხედველობის დაქვეითება დაეწყო, შხამის დოზა საკმაოდ დიდი უნდა ყოფილიყო. საავადმყოფოში გოგონამ 4 დღე გაატარა და მის გადასარჩენად, 24 შხამსაწინააღმდეგო სინჯარის გამოყენება გახდა საჭირო.

ის სასტიკ მკვლელობას გადაურჩა

რობერტ ჰოლი (Robert Hall) თავის ყოფილ ცოლთან, მის ძმასთან და ცოლის ძმის მეგობართან ერთად სვამდა. ცოტა ხნის შემდეგ, ისინი უეცრად აუმხედრდნენ რობერტს. მათ 3-ჯერ ესროლეს ელექტროშოკით, სცემეს, ხელ-ფეხი შეუკრეს, მანქანას გამოაბეს და თითქმის, 1 კმ-ზე ათრიეს. შემდეგ, სატვირთო მანქანის ძარაზე დააგდეს და გვამის მოცილებაზე დაიწყეს ფიქრი. მიუხედავად იმისა, რომ მამაკაცს თავის ტვინში გაჟონვა, ხოლო მენჯი და სახე გატეხილი ჰქონდა, მან მაინც მოახერხა გაქცევა და ადამიანებთან მისვლა, რომლებმაც ის საავადმყოფოში გადაიყვანეს.

ჰოლი გამოჯანმრთელდა, ხოლო სამეული, რომელმაც ის სასიკვდილოდ გაიმეტა, სასჯელს ციხეში იხდის.

ტყვიაგაუმტარი მკერდი

ქალმა მანქანა გააჩერა და თავის მეგობარ მამაკაცს გადასვლა სთხოვა. ამ უკანასკნელმა საპასუხოდ, პისტოლეტი ამოიღო და ქალს, მკერდის არეში, დამიზნებით ესროლა. ტყვიამ მას ხელები გაუკაწრა და იმპლანტანტებში მოხვდა. დაზარალებული ვერტმფრენით უახლოეს საავადმყოფოში გადაიყვანეს, სადაც აღმოჩნდა, რომ მისი ორივე იმპლანტანტი დაზიანებული იყო, სხვა მხრივ, ყველაფერი რიგზე ჰქონდა... და მან საავადმყოფო ახალი იმპლანტანტებით დატოვა.

გულში მოხვედრილი ლურსმანი

არგენტინელი დურგალი თავისთვის მუშაობდა, როდესაც მისმა ერთ-ერთმა თანამშრომელმა, შემთხვევით, პნევმატიკური ჩაქუჩიდან გაისროლა. ლურსმანი კაცს პირდაპირ გულში მოხვდა. ოპერაცია საკმაოდ რთული და ხანგრძლივი იყო. მაგრამ, საბედნიეროდ, ყველაფერი კარგად დასრულდა და პაციენტი გამოჯანმრთელდა.

ჯერ შური იძია და საავადმყოფოში შემდეგ წავიდა

მუჰამედ სალმოდინი (Mohammed Salmodin) ბაღში მცენარეებს უვლიდა, როდესაც მას, მსოფლიოში ყველაზე სახიფათო გველმა – სამეფო კობრამ უკბინა. ამ სახეობის გველის შხამი სასიკვდილო ნეიროტოქსინებს შეიცავს და შხამის ერთი დოზა საკმარისია, რომ 30 წუთში 20 ადამიანი დაიღუპოს. ასეთი დიდი რაოდენობით შხამის მიღების შემდეგ, ყველა სასწრაფოდ უახლოეს საავადმყოფოში გაიქცეოდა, მაგრამ მუჰამედი უბრალოდ გაბრაზდა, დაიჭირა გველი, ჯერ უკბინა, შემდეგ მოკლა და საავადმყოფოში ამის შემდეგ წავიდა.

არხის სხვა სიახლეები:

* კატასტროფა, რომელმაც მზის სისტემაში უდიდესი ცვლილებები გამოიწვია

* სიკვდილი მეორეა, რისაც ადამიანებს ყველაზე მეტად ეშინიათ – იცით, რა არის პირველი? საინტერესო ფაქტები ფსიქოლოგიის შესახებ

* იყო კი ცხენი? – ტროას დაცემის რეალური ისტორია

* ღვიძლის გაწმენდა თაფლის საშუალებით მარტივად და ეფექტურად