როგორც ცნობილია ლალი მოროშკინა ეს რამდენიმე დღეა რუსეთში იმყოფება, იგი სიტყვით გამოვიდა ტელეკომპანია "ზვეზდაში", სადაც ისაუბრა ქრისტიანობაზე, ქართულ-უკრიანულ გართულებულ ურთიერთობაზე, მიხეილ საკაშვილის რეჟიმზე, ლგბტ პროპაგანდაზე და სხვა(ვიდეო იხილეთ ბოლოში).

ლალი მოროშკინა რუსეთის დედაქალაქში შეხვდა აგრეთვე ქართული დიასპორის ხელმძღვანელს დავით ცეცხლაძეს:

"დიდი საქმე უხმაუროდ კეთდება. სამი წელია, რაც საქართველოს დიასპორას რუსეთში Давид Цецхладзе ხელღვანელობს. ზუსტად მისი დაუღალავი შრომის შედეგია, მილიონზე მეტი ქართველის ღირსეული ყოფა რუსეთში! მადლობა"-აღნიშნა სოციალურ ქსელში ლალი მოროშკინამ.

ახლახან ლალი მოროშკინამ რესტორან "Кавказская Пленница"-(კავკასიელი ტყვე ქალი)საიდან გამოაქვეყნა ფოტო და ვიდეო, სადაც აღნიშნავს, რომ აქ იყიდება ქართული კოკა-კოლა, ქართული ღვინო და კონიაკი.

"ესაა ნოვიკოვის რესტორანი "Кавказская Пленница", რომელიც აქ ძალიან პოპულარულია, მას თბილისშიც აქვს რესტორანი და შემოაქვს ასეთი ძვირფასი პროდუქტი, როგორიც არის ქართული "კოკა-კოლა"..ჰოდა იმის თქმა მინდოდა რა, აქ არის ქართული ღვინო, ქართული კონიაკი, ქართული "კოკა კოლა" და ის ადამიანები, რომლებსაც აქ შემოაქვთ ეს პროდუქტი, ჩვენ გვეძახიან რუსეთუმეებს"-აღნიშნავს ლალი მოროშკინა.