ბოლო დროს პოპულარული გახდა შეთქმულების თეორიები და ყველაფერი, რაც, ასე თუ ისე, შეთქმულებებს ეხება. ადამიანები საუბრობენ კორონავირუსის მწარმოებელ ლაბორატორიებზე, ხოლო ქსელში განიხილავენ ცუკერბერგის “ნათესაობას" ქვეწარმავლებთან და ეს სავსებით ნორმალურია, რადგან სრულიად შეესაბამება ადამიანის ბუნებას. ბევრი თეორია მხოლოდ და მხოლოდ ადამიანის ფანტაზიის ნაყოფია და არ არის სიმართლე, მაგრამ, არის ისეთი თეორიებიც, რომლებიც ამაზრზენი და შოკისმომგვრელია და რაც მთავარია, წლების შემდეგ სინამდვილე აღმოჩნდა:

1. ტასკიგის ექსპერიმენტი

40 წლის განმავლობაში შეერთებულმა შტატებმა ადამიანებზე არნახული მასშტაბების ექსპერიმენტი ჩაატარა. ალაბამას შავკანიან მაცხოვრებლებს, ლაბორატორიის ვირთხებივით სპეციალურად აინფიცირებდნენ სიფილისით, რათა შემდგომ კვლევები ჩაეტარებინათ.


ექვსასი ადამიანი დაყეს ორ ჯგუფად, რომელთაგან ერთი ჯგუფი იღებდა პლაცებოს, ხოლო მეორე დარიშხანს. რაც მთავარია, ექსპერიმენტის მიზანი იყო დაავადების მიმდინარეობის, “საცდელი ადამიანების" სიკვდილის მონიტორინგი და არა მათი მკურნალობა. ეს სიგიჟე გაგრძელდა 30-დან 70-იან წლებამდე. 1932 წელს ალაბამას ერთ-ერთ პატარა ქალაქში გამოჩნდა რეკლამა, რომელიც ხალხს იწვევდა უფასო სამედიცინო გამოკვლევების ჩასატარებლად. შტატის ექიმების სახელით ტასკიგის მაცხოვრებლებს შესთავაზეს ანალიზების გაკეთება და მკურნალობა. მთელ ოჯახებს ჰქონდათ უფლება მისულიყვნენ ამ “კვლევების" ჩასატარებლად იმ დროს ქალაქში სიფილისი მძვინვარებდა. ადგილობრივ ღარიბ მოსახლეობას ჰქონდა არასრულფასოვანი კვება, ანტისანიტარიული პირობები და მედიცინის მიუწვდომლობა.

ტასკიგი მიყრუებულ ქალაქად ითვლებოდა. ადგილობრივი მოსახლეობა სიამოვნებით ჩაერთო უფასო სამედიცინო მომსახურებაში. საბრალოებმა არ იცოდნენ, რომ არავინ აპირებდა მათ მკურნალობას. მთავრობისთვის ისინი არც არსებობდნენ. ასე ქალაქი გახდა კვლევითი ადგილი.

ექიმები ადგილობრივ მოსახლეობას სიფილისით 40 წლის განმავლობაში აინფიცირებდნენ. ეპიდემია გაგრძელდა პენიცილინის აღმოჩენის შემდეგაც, რომლითაც მთელი მსოფლიო წარმატებით მკურნალობდა საშინელ დაავადებას. ადგილობრივები განზრახ იზოლირებულნი იყვნენ ქვეყნის ნაწილისგან, რათა სხვა ექიმებისთვის არ მიემართათ.

ექსპერიმენტის კრიმინალური ბუნება პენიცილინის აღმოჩენის შემდეგ გამოიკვეთა. მიუხედავად იმისა, რომ ინოვაციური ანტიბიოტიკი მთელ მსოფლიოში ეხმარებოდა ხალხს თავი დაეღწია მანამდე განუკურნებელი დაავადებებისგან, ტასკიგის მაცხოვრებლები განაგრძობდნენ ავადმყოფობას და სიკვდილს. მკვლევრებისთვის მნიშვნელოვანი იყო იმის გარკვევა, კლავდა თუ არა სიფილისი შავკანიანებს ისევე, როგორც თეთრკანიანებს.

ამერიკის მთავრობას ოფიციალურად რომ არ ეღიარებინა ექსპერიმენტის ფაქტი, მაშინ ტასკიგის ტრაგედია გავრცელებული შეთქმულების თეორიის ნაწილი იქნებოდა. 1997 წელს ბილ კლინტონმა, როგორც შეერთებული შტატების პრეზიდენტმა, ბოდიში მოუხადა ქალაქის მცხოვრებლებს ამერიკელი ერის სახელით. ეს მოხდა საიდუმლო პროექტის დაწყებიდან 67 წლის შემდეგ.

2. ერნესტ ჰემინგუეი და FBI

ერნესტ ჰემინგუეი ცნობილი ამერიკელი მწერალი, პუბლიცისტი და ჟურნალისტი იყო. სწორედ მას ეკუთვნის ცნობილი რომანი "მშვიდობით, იარაღო!". დღემდე სხვადასხვა თეორიები არსებობს იმის შესახებ, თუ რატომ დაასრულა მწერალმა სიცოცხლე თვითმკვლელობით. აი ერთ-ერთი მათგანიც:

1942 წელს მწერალი ერნესტ ჰემინგუეი ეფბიაის აგენტებმა აიყვანეს. მისი მისია კუბაზე ნაცისტების ჯაშუშების მიკვლევა იყო. 7 თვის შემდეგ აგენტებმა უარი თქვეს მის სამსახურზე, რადგან ჩათვალეს, რომ ინფორმაცია არ იყო მნიშვნელოვანი. ამით ოფიციალური კავშირი დასრულდა. 17 წლის შემდეგ მწერალმა შეშფოთება გამოთქვა იმის გამო, რომ მას უთვალთვალებდნენ. ამბობდა, რომ ეფბიაიმ მის სახლში მიკროფონები დააყენა, რომ გამუდმებით უკან დაჰყვებოდნენ, სატელეფონო ზარებს უსმენდნენ... ჰემინგუეი ამის გამო ფსიქიატრიულ კლინიკაში გამოკეტეს. ელექტროშოკის 13 სეანსის შემდეგ მან გონება დაკარგა, მუშაობის უნარი დაკარგა, მაგრამ ადევნების მანია მაინც დარჩა. ეჭვის თვალით უყურებდა სამედიცინო პერსონალსაც. მხარი ოჯახმაც არ დაუჭირა, რის გამოც მწერალი უფრო და უფრო ეფლობოდა დეპრესიაში, საბოლოოდ კი 1961 წლის 2 ივლისს თავი მოიკლა საკუთარ სახლში. 1984 წელს ეფბიაის სეგროვებული მასალები გამოაშკარავდა. მწერალი არ ცდებოდა, მას ნამდვილად უთვალთვალებდნენ, იყო მიკროფონებიც, ადევნებაც, ტელეფონის მოსმენაც, ფსიქიატრიული საავადმყოფოც კი. უთვალთვალებდნენ ყველგან. მწერლის დოსიეს 124 გვერდიდან 15 გვერდი ჯერ კიდევ გაუხსნელია, როგორც ამბობენ “ნაციონალური თავდაცვის ინტერესების გამო''.

3. CIA გონების კონტროლის ექსპერიმენტები

ჭორები იმის შესახებ, რომ შეერთებული შტატების მთავარ სადაზვერვო სააგენტოს სურს ისწავლოს ადამიანის ცნობიერების კონტროლი, პერიოდულად გაჩნდა ცივი ომის განმავლობაში. მაგრამ, როგორც გაირკვა, ამ ჭორებს საფუძველი ჰქონდა, რადგან 1953 წლიდან 1964 წლამდე CIA რეალურად ატარებდა ექსპერიმენტებს ადამიანებზე, რათა ესწავლათ ადამიანის აზრების კონტროლი.
ეს ბანალურ ჰოლივუდის თრილერის სიუჟეტს წააგავს, მაგრამ შეერთებული შტატების მოქალაქეები, რომლებიც ხელში ჩაუვარდათ, ხუმრობის ხასიათზე საერთოდ არ იყვნენ. არაადამიანური ექსპერიმენტების დროს ადამიანებს მათი ცოდნის გარეშე აძლევდნენ ფსიქოტროპულ ნივთიერებებს და ფსიქოდელიურებს, როგორიცაა ნარკოტიკული საშუალება LSD. მაგრამ ეს ყველაფერი როდია – ცდის პირებს ჩაუტარდათ სენსორული დეპრივაცია, ელექტროშოკური თერაპია და ჰიპნოზი, რათა მათ გონებაზე კონტროლი მოეპოვებინათ. საქმე იქამდე მივიდა, რომ მათ დაიწყეს ექსპერიმენტები პიროვნების ნეიროლინგვისტური პროგრამირებით.
ყველაზე უსიამოვნო ის არის, რომ ყველა ეს ექსპერიმენტი ჩატარდა არა მხოლოდ ხალხის ცოდნის გარეშე, არამედ სხვადასხვა დაავადებების მკურნალობის საფარქვეშ. CIA MK-Ultra პროგრამა მოიცავდა აშშ-ს 86 ძირითად საუნივერსიტეტო ცენტრს, 12 საავადმყოფოს და სამ ციხესაც კი. ობიექტები განლაგებული იყო მთელი ქვეყნის მასშტაბით, მზიანი კალიფორნიიდან თოვლიან ალასკამდე. ზოგიერთი ექსპერიმენტი ჩატარდა განუკურნებელ კიბოს პაციენტებზე, ისინი დაარწმუნეს, რომ ეს იყო უახლესი გზა მათი ავადმყოფობის დასაძლევად. ექსპერიმენტების უნებლიე მონაწილეთა შორის ოფიციალურად მხოლოდ ორი სიკვდილი დადასტურდა, მაგრამ ადვილი მისახვედრია, რომ აშშ-ს ხელისუფლება ყველა ღონეს იყენებდა საკუთარი მოქალაქეების წინააღმდეგ ჩადენილი დანაშაულების დასამალად.

4. მოწამლული ალკოჰოლი

1920-იან წლებში, შეერთებულ შტატებში ალკოჰოლის აკრძალვის დროს, ხელისუფლებამ გამოიყენა ყველაზე უსიამოვნო გზები სიმთვრალესთან საბრძოლველად, მოქალაქეების მოწამვლებამდე. ალკოჰოლის აკრძალვის აქტი მოქმედებდა 1920 წლიდან 1933 წლამდე და წარმოშვა ბუტლეგის ფენომენი. ეს იყო მიწისქვეშა ბუნების, მაფიის და კონტრაბანდის აყვავების ხანა, რომლებთანაც დაუნდობელი ომი იმართებოდა. მიწისქვეშა ალკოჰოლის საწარმოები წამლავდნენ თავიანთ ტანჯულ მომხმარებლებს დაბალი ხარისხის სასმელით, მაგრამ ალკოჰოლის მომხმარებლების ავადმყოფობისა და სიკვდილის პასუხისმგებლობის ნაწილი უშუალოდ ქვეყნის ხელისუფლებას ეკისრება.
არალეგალური ალკოჰოლის წარმოების ძირითად ნედლეულს წარმოადგენდა სამრეწველო გამოყენებისთვის განკუთვნილი ალკოჰოლი. ამ პროდუქტის ქურდობის შესაჩერებლად, მწარმოებლებმა სითხეში დაამატეს სხვადასხვა კომპონენტები, რის შედეგადაც ალკოჰოლი გემოვნებით ცუდი და მოხმარებისთვის უვარგისი იყო. მაგრამ ბუტლეგერებმა დახმარებისთვის მიმართეს ქიმიკოსებს, რომლებიც კრიზისის გამო უმუშევრები დარჩნენ, მათ სწრაფად ისწავლეს, თუ როგორ უნდა გაესუფთავებინათ ალკოჰოლი ასეთი დანამატებისგან.

მაშინ აშშ-ს მთავრობამ ვერ მოიფიქრა იმაზე უკეთესი, ვიდრე ეთილის სპირტზე მომწამვლელი კომპონენტების დამატება. სასმელი შერეული იყო საშიში მეთილის სპირტით, მას დაემატა ნავთი, ფორმალდეჰიდი და აცეტონიც კი. თავდაპირველად, ეს კეთდებოდა იმისთვის, რომ ბოტლეგერებს ალკოჰოლი აღარ მოეპარათ. ძვირფასი სითხის კონტეინერებზე დაფიქსირდა ნიშნები, რომ შიგნით იყო შხამი და ასეთი ალკოჰოლის გამოყენება სიცოცხლისთვის საშიში იყო.

მალე მიხვდნენ, რომ ამგვარი მეთოდიც არ შველოდათ, ამიტომ ხელისუფლებამ გადაწყვიტა მოქალაქეების პირდაპირი მოწამვლა, რათა ხალხში ალკოჰოლის შიში დაეთესათ. ამის გამო თასობით ამერიკელი დაიღუპა. ოფიციალურად დადასტურდა მხოლოდ 10 ათასზე მეტი სიკვდილი განზრახ მოწამლული ალკოჰოლით. მასებში დაწყებული პანიკის მიუხედავად, არავინ თქვა უარი იაფფასიან ალკოჰოლზე და ძლიერი სასმელების მოყვარულები მაინც განაგრძობდნენ მის მიღებას.

5. “ხილის მანქანა"

ისტორიები ჰომოსექსუალების იდენტიფიკაციისა და მკურნალობის შესახებ თანამედროვე მეცნიერებისა და ტექნოლოგიების მიღწევების გამოყენებით არ კარგავს პოპულარობას ნახევარ საუკუნეზე მეტი ხნის განმავლობაში. დასავლეთ ნახევარსფეროში ყველაზე პოპულარული ამბავი ყოველთვის იყო ეგრეთ წოდებული „ხილის მანქანის“ შესახებ, რომელიც ცალსახად ააშკარავებდა გეებს და ბისექსუალებს, მაშინაც კი, თუ თავად მათ ჯერ კიდევ არ იცოდნენ მათი არატრადიციული ორიენტაციის შესახებ. როგორც მოგვიანებით გაირკვა, ეს მანქანა არ არის ველური ფანტაზიის პროდუქტი, არამედ რეალური, თუმცა უსარგებლო მოწყობილობა.
ყველაფერი გასული საუკუნის 60-იან წლებში დაიწყო, როცა მთელ მსოფლიოში ატყდა სკანდალი ე.წ „კემბრიჯის ხუთეულთან“. შემდეგ სსრკ-ს დაზვერვამ დაიქირავა MI6-ის რამდენიმე ძირითადი ბრიტანელი აგენტი, რომლებმაც ახალ მფლობელებს გაუზიარეს გაერთიანებული სამეფოს ყველაზე საიდუმლო საიდუმლოებები. ერთ-ერთი აგენტი გეი იყო და ბოროტების იმპერიის მიმდევრებმა მისი მოპოვება შანტაჟის წყალობით მოახერხეს.

ამასთან დაკავშირებით, დასავლეთის რიგ ქვეყნებში დაიწყო სხვადასხვა სახელმწიფო დაწესებულებებისა და სერვისების მასობრივი წმენდა გეებისა და ლესბოსელებისგან, რომლებიც ამიერიდან არასანდო და საშიში ადამიანების კატეგორიაში მოხვდნენ. ჰომოსექსუალები გაათავისუფლეს პოლიციიდან, ჯარიდან და მხოლოდ სამთავრობო უწყებებიდან. გეებზე ამ ნადირობის მოულოდნელი ლიდერი პროვინციული კანადა აღმოჩნდა, რომელიც სულ რაღაც ორიოდე ათწლეულში გახდა "დაპირებული მიწა" მრავალი დისიდენტისა და არატრადიციული ორიენტაციის პირებისთვის მთელი მსოფლიოდან.

კანადური ნადირობა ჰომოსექსუალებზე დაიწყო გეი კლუბების კომბინაციით, რომლებშიც საიდუმლო აგენტები სერიოზულად იმედოვნებდნენ ინფორმაციის მოპოვებას პასუხისმგებელ თანამდებობებზე მოქალაქეების ორიენტაციის შესახებ. მაგრამ "ცისფერი" პარტია კერკეტი კაკალი აღმოჩნდა და არც ისე ადვილი აღმოჩნდა საიდუმლოებების გაგება.
საქმე მივიდა აბსურდულ და სასაცილო სიტუაციებამდე, როდესაც ზოგიერთი აგენტი ააშკარავებდა სხვებს, რომლებიც სხვა დეპარტამენტის გაგზავნილი იყო. ამიტომ, ასეთი ნადირობა ძალიან მალე უფრო კომედიას დაემსგავსა, ვიდრე ეროვნული მნიშვნელობის სპეცოპერაციას. სამუშაოს ნულოვანი შედეგების შეფასების შემდეგ, კანადის მთავრობამ მიატოვა დაზვერვა და დახმარებისკენ მოუწოდა ოფიციალურ მეცნიერებას.

ასე გაჩნდა ეგრეთ წოდებული „ხილის მანქანა“ (Fruit Machine), რომლის არსებობაც თითქოს საღი აზრის დაცინვაა. კანადის მთავრობის ბრძანებით მეცნიერებმა შექმნეს აპარატი, რომელიც ასევე მოქმედებდა როგორც პოლიგრაფი. მოქალაქე სკამზე იჯდა, სენსორული მავთულები ჰქონდა დამაგრებული და ამ მდგომარეობაში აჩვენბდნენ ეროტიულ სურათებს.

როგორც „ტყუილის დეტექტორის“ შემთხვევაში, დაფიქსირდა წნევის, პულსის სიხშირის, ოფლიანობასა და გუგის რეაქციის ცვლილებები. ხილის მანქანა წარმოუდგენლად ეფექტური აღმოჩნდა და მისი დახმარებით, მინიმუმ 500 დაზვერვისა და პოლიციის ოფიცერი გააგდეს ქუჩაში პირველი თვის განმავლობაში.

მაგრამ იმედგაცრუება მალევე მოვიდა, რადგან აპარატს დიდი ხარვეზი ჰქონდა. ფაქტია, რომ ის ზომავდა ადამიანის სტრესის დონეს და არა მის რეაქციას ეროტიკულ ფოტოებზე. ყველა, ვინც მანქანასთან სკამზე იჯდა, შეშფოთებული იყო, სამსახურის და რეპუტაციის დაკარგვის ეშინოდა, ამიტომ ოფლი უხვად მოსდიოდა და კანკალებდა. შედეგად, სამუშაო დაკარგეს არა ჰომოსექსუალებმა, არამედ სახელმწიფო სტრუქტურების ყველაზე შთამბეჭდავმა თანამშრომლებმა.
აშკარა წარუმატებლობის დანახვისას, ხელისუფლება ჯიუტად აგრძელებდა იმავე მიმართულებით სვლას და ასე გამოჩნდა კიდევ ერთი სასაცილო ელექტრონული მოწყობილობა, სახელწოდებით პლეტისმოგრაფი. ზოგადად, ის უკავშირდებოდა ტესტირებულ პირის სასქესო ორგანოს, რათა დაეფიქსირებინა ერექციის საფუძვლები ეროტიული სურათების ან ვიდეოების დემონსტრირებისას. ამის შემდეგ ქვეყანამ დაკარგა კიდევ რამდენიმე ასეული დაზვერვის ოფიცერი, სამართალდამცავები და კლერკები ყველაზე გაბედული ეროტიკული ფანტაზიებით.

გეებზე ნადირობის შედეგი სავალალო იყო - დახარჯული მილიონობით დოლარი, რამდენიმე წელი დრო და ბევრი სასარგებლო სპეციალისტი, კანადამ შეაჩერა პროექტი. სხვა ქვეყნებში ეს გაგრძელდა გარკვეული პერიოდის განმავლობაში, რამაც გამოიწვია დაბნეულობა და მრავალი ანეკდოტების წარმოშობა.

.