დისლალია იგივე როტაციზმი - ბგერა "რ"- სარასწორი გამოთქმაა. ყველაზე ხშირად ეს მოშლა გვხვდება ბავშვებში, ზოგჯერ მოზრდილებშიხ. რა სჭირთ ადამიანებს, რომლებიც ვერ წარმოთქვამენ "რ"-ს?

მაგალითად, ხშირად ადამიანები არასწორად წარმოთქვამენ სისინა, უკანა ენის ბგერებს, რბილს ან ძლიერს. მაგრამ ყველაზე ხშირად ისინი ვერ წარმოთქვამენ ასოს "რ".

ჩვეულებრივ, "რ"-ის გამოთქმის დროს ენა წინა კბილების მიდამოში სასის თაღისკენ უნდა აიწიოს, რაც ქმნის ვიბრაციას, რომელიც ხელს უწყობს ბგერის წარმოქმნას.

დისლალიის დროს რ-ის წარმოთქმისას ენისა და ტუჩების პოზიცია არასწორია. ეს შეიძლება მოხდეს როგორც ენის არასწორი ვიბრაციის შედეგად, ტუჩების ან ენის გადაადგილებისას, ასევე ბგერის გამოთქმისას ენის სასასთან არასწორი ურთიერთქმედების გამო.

ფიზიოლოგიური მიზეზები, რის გამოც ადამიანი ასოს სწორად ვერ წარმოთქვამს, ყველაზე ხშირად მოიცავს სმენის აპარატის დარღვევას. ეს შეიძლება გამოწვეული იყოს თანდაყოლილი მანკით, ანთებითი პროცესებით, რაც იწვევს სმენის დაქვეითებას. შედეგად, ბავშვები უბრალოდ ვერ იგებენ და ცნობენ ბგერას სწორად, რაც არღვევს მის გამოთქმას.

მიზეზები შეიძლება იმალებოდეს ენის დაზიანებაში, მალოკლუზიაში, წინა კბილების არარსებობაში, ენის სტრუქტურის დაზიანებაში, ღრძილების და კბილების ანომალიებში. ხშირად მიზეზი არის მეტყველების აპარატის პათოლოგია და ძალიან მოკლე ფრენულუმი.

მემკვიდრეობითი მიდრეკილება

მეცნიერებმა დაამტკიცეს, რომ ეს შეიძლება მემკვიდრეობით გადაეცეს, რაც განპირობებულია იმით, რომ ბავშვები მშობლებისგან იღებენ სხვადასხვა მახასიათებლებს: იშვიათი კბილები, ამობურცული ყბის სტრუქტურა. მათი აზრით, თუ მამა ან დედა ენას იჩლექს, მაშინ ბავშვიც, სავარაუდოდ, არასწორად წარმოთქვამს ბგერას „რ“.

გარემო და სალაპარაკო ხმები

თავიდან ბევრი ბავშვი არასწორ ბგერებს ამბობს. ასაკის მატებასთან ერთად იწყებენ მათ გარკვევით და სწორად გამოთქმას. თუმცა, ბევრი რამ არის დამოკიდებული გარემოზე. თუ მშობლებს აქვთ მეტყველების დეფექტები, მაშინ ბავშვი, მათი მეტყველების მოსმენისას, იგივენაირად, არასწორად წარმოთქვამს ბგერებს. ასეთი დეფექტის გამოსწორება ძნელია და მრავალი ბგერის გამოთქმის დარღვევა შეიძლება მთელი ცხოვრება გაგრძელდეს.

ბილინგვიზმი ოჯახში, საზოგადოებაში

ორენოვნება დიდ ზიანს აყენებს გამოთქმას. თუ ოჯახში სხვადასხვა ენაზე ლაპარაკობენ, ან ერთ ენაზე საუბრობენ სახლში და მეორეზე ლაპარაკობენ მის გარეთ, მაშინ ადამიანი არასწორად წარმოთქვამს სხვადასხვა ბგერებს, ურევს მათ გამოთქმას.

რატომ არის ეს ცუდი?

დისლალია ბავშვს უამრავ პრობლემას უქმნის. ბავშვობაში ასეთ ბავშვს სკოლაში დასცინიან, რაც გავლენას ახდენს ფსიქიკურ მდგომარეობაზე. ასეთი ადამიანის მეტყველება რთული გასაგებია. მას შეზღუდული აქვს იმ პროფესიებისკენ მიმავალი გზა, სადაც მნიშვნელოვანია სწორად საუბარი.

ფსიქიკას დიდი ზიანი ადგება. ასეთ ადამიანებს აქვთ ფსიქოლოგიური აშლილობები, რაც გამოიხატება უხერხულობით უცნობებთან ურთიერთობისას. შედეგად შეიძლება წარმოიშვას სოციალური პრობლემები.

გამოსწორების მეთოდები

უმეტეს შემთხვევაში, დისლალია განკურნებადია. უმჯობესია მასთან ბრძოლა ბავშვობიდან დაიწყოთ, ნამდვილი მიზეზის დადგენით. უნდა მიმართოთ ლოგოპედს, სტომატოლოგს. თუ არ არის ფიზიოლოგიური დარღვევები, მაშინ მეტყველების სპეცალისტი ირჩევს სავარჯიშოების ერთობლიობას, რომელიც გასწავლით თუ როგორ უნდა გამოთქვათ ბგერა "რ" სწორად. თუ სამედიცინო შემოწმების დროს სმენის აპარატის დარღვევები გამოვლინდა ან სტომატოლოგიური დარღვევები, მაშინ შესაძლოა საჭირო გახდეს შესაბამისი მკურნალობა, ქირურგიული ჩარევა.

შესაძლებელია „რ“-ის გამოთქმის ნორმალიზება არა მხოლოდ ბავშვობაში, არამედ ზრდასრულ ასაკშიც. ამისათვის ექიმები ასევე განსაზღვრავენ მიზეზს, რამაც გამოიწვია ბგერის გამოთქმის დარღვევა, შემდეგ კი შეირჩევა სავარჯიშოები, რომლებიც ხელს უწყობენ მის გამოსწორებას.

დისლალიამ ლენინს ბევრი კომპლექსი გაუჩინა. მას სკოლაში დასცინოდნენ ამისთვის, თუმცა დღეს მავზოლეუმში წევს და კერპად ჰყავთ ქცეული.