- თუ კატა მოკუნტულია - ყინვა იქნება, თუ ზურგზე წევს - დარი, თუ მაგრად სძინავს - სითბო, თუ კედელს ფხაჭნის - ავდარი.

- თუ ნახირი ჯგუფად გროვდება, წვიმა წამოვა.

- თუ ციყვი ბევრ კაკალს იმარაგებს, ცივი ზამთარია მოსალოდნელი.

- თუ თხუნელები მიწიდან ამოდიან - მიწისძვრას ელოდე.

- ცხოველები ზურგით რომელ მხარესაც დაწვებიან, ქარიც იქიდან დაუბერავს.

- თუ ქათმებს ადრე შემოდგომაზე დაეწყოთ ბუმბულის ცვენა, თბილი ზამთარი დადგება.

- ღორი სითბოს წინ იფხანს, ავდრის წინ ჭყვირის.

- თუ გაზაფხულზე კურდღლებს დიდხანს არ სცვიათ ბეწვი, ცივი ამინდები გაჭიანურდება.

- თუ წაბლის მოსავალი ბევრია, ცივი ზამთარია მოსალოდნელი.

- ფური თუ მიწაზე დაწვა, თბილი ამინდი იქნება.

- თუ ფრთოსნები ბუდეს ხეების მზიან მხარეზე აკეთებენ, გრილი ზაფხული ელოდე.

- თუ ნახირი ცოტა წყალს სვამს და დღისით სძინავს - წვიმის ნიშანია.