ყველა ჩვენგანი ცვლილებებისა და კატაკლიზმების ეპოქაში ცხოვრობს. დღეს კი, გვაქვს ეპოქა, სადაც ფართოდ არის განვითარებული ტექნოლოგიური სიახლეები და ნტერნეტის საშუალებით შეგვიძლია დედამიწის ნებისმიერი წერტილიდან მოვიძიოთ ინფორმაცია, მოვიკითხოთ ადამიანი, გამოვიძახოთ პიცა თუ ხინკალი, ვუყუროთ ფილმს, წავიკითხოთ სიახლე, წიგნი, მანქანამ დარეცხოს სარეცხი, მანამ ჩვენ სხვა საქმით ვართ დაკავებული ან ვისვენებთ და მოკლედ, რომ აღარ გავაგრძელო, აურაცხელია სია იმისა, თუ რისი გაკეთება შეგვიძლია თანამედროვე ტექნიკისა თუ ტექნოლოგიების წყალობით.

შემოქმედება ან შემოქმედებითობაა პროცესი, როდესაც ინდივიდი საკუთარი შესაძლებლობებისა და უნარ-ჩვევების და გარემოსთან ინტერაქციის შედეგად ეძებს სიტუაციის შესაბამის ახალ და/ან ორიგინალურ პროდუქტს და ეს პროდუქტი შეიძლება იყოს კონკრეტული ან აბსტრაქტული საგანი. შემოქმედებითობა არა მხოლოდ თითოეულ ადამიანს აძლევს შესაძლებლობას, სამყარო და მასში მიმდინარე მოვლენები მრავალფეროვნად აღიქვას, არამედ ახალი იდეებისკენ სწრაფვის, აღმოჩენების გაკეთების, უწყვეტი გამოცდილებების შეძენის საწინდარია. ეს ყველაფერი კი, საბოლოო ჯამში, სამყაროს განვითარების გარანტიაა.

ხანდახან, მარტივ და მცირე გადაწყვეტილებას შეუძლია საყოფაცხოვრებო საკითხები გასაოცრად გააუმჯობესოს და ნაცნობი ფუნქციები გაამრავალფეროვნოს, რაც ცხოვრებას და ყოველდღიურ ყოფას გაცილებით ამარტივებს. ძალიან ბევრი ნიჭიერი ადამიანი იყენებს წარმოსახვას და ახორციელებს მას ჩვენს პრაქტიკულ ცხოვრებაში ისეთ საგნებში, რომელსაც ყოველღიურად დიდი სიამოვნებით ვიყენებთ. დღევანდელ სტატიაში კი შევარჩიე რამდენიმე მათგანი, რომლებიც თქვენს ყურადღებას ნამდვილად იმსახურებს.

დღევანდელ სტატიაში შემოგთავაზებთ რამდენიმე გენიალურ ხრიკს, რომელიც თქვენს ყოველდღიურ ყოფას ცოტათი მაინც გაამარტივებს და მეტად კომფორტულს გახდის.

დიზაინერული ხრიკები, რომლებიც გააადვილებს თქვენს ყოველდღიურობას