ამერიკელმა მუდმივი ავიაბილეთი 33 წლის წინ იყიდა და 37 მილიონი კილომეტრი იფრინა

ავიარეისების ყველაზე ხშირმა მგზავრმა ამ შენაძენს უწოდა "საუკეთესო ინვესტიცია ცხოვრებაში"

ჯერ კიდევ 1990 წელს აშშ-ს ნიუ-ჯერსის შტატის მცხოვრები ტომ სტუკერი წააწყდა მაცდურ სარეკლამო შეთავაზებას - ავიაკომპანია United Airlines-ი ყიდდა უვადო ავიაბილეთს 290 000 დოლარად. მიუხედავად შთამბეჭდავი ფასისა, ამერიკელმა გადაიხადა ეს თანხა და არ ინანა.

33 წლის შემდეგ, 69 წლის სტოუკერი არის მსოფლიოს №1 ავიამგზავრი, რომელმაც უკვე იფრინა 37 მილიონი კილომეტრი (სხვათა შორის, დედამიწიდან მთვარემდე მანძილზე 96-ჯერ მეტი) და ეწვია 100-ზე მეტ ქვეყანას. . ამრიგად, ის უფრო მეტ დროს ატარებდა ჰაერში, ვიდრე ვინმე სხვა. ყველაზე ნაყოფიერი წელი სტუკერისთვის იყო 2019 წელი: 373 რეისი 365 დღეში და 2, 35 მილიონი კილომეტრი ჰაერში. ყველა ამ ფრენის ბილეთები ნაღდი ფულით რომ ეყიდა, 2, 44 მილიონი დოლარი დაუჯდებოდა. აშკარაა, რომ დახარჯული თანხის ამოქაჩვა ერთ წელიწადშიც კი თავისუფლად შეიძლება. თავად მგზნებარე მოგზაური თავის ძველ შენაძენს "ცხოვრებაში საუკეთესო ინვესტიციას" უწოდებს.

შეუზღუდავი ფრენების გარდა, სტუკერს აქვს დარიცხული ბონუსების(ჰაერში დაფარული მილების რაოდენობა) ზღაპრული რაოდენობა, რომელსაც ის ხარჯავს მდიდრულ სასტუმროში ცხოვრებისთვის, ახლობელი ადამიანების ბილეთებზე და ქველმოქმედებაშიც კი.

მაგალითად ძმის სახლის რემონტი ბონუსებით გადაიხადა, ცოლი კი უკვე 120 -ჯერ წაიყვანა „საქორწინო მოგზაურობაში".

ერთხელ ამერიკელმა 451 000 საჰაერო მილის დაფარვის შემდეგ მიიღო ეპიზოდური როლი პოპულარულ სიტკომში " Seinfeld"-ი. ჰაერში ის ათობით ცნობილ ადამიანს შეხვდა და ზოგიერთთან ისუაბრა კიდეც, მაგალითად ბილ მიურეისთან.

თითქოს ერთი შეხედვით, ავიაკომპანია უნდა ნანობდეს, სტუკერისთვის ასეთი ბილეთის მიყიდვის გამო. მაგრამ ყველაფერი პირიქითაა: მისი სახელი შეტანილია United Airlines-ის ორივე ბორტზე, მას ყოველთვის ეძლევა პრემიუმ სერვისი, ცხელ ხაზზე დარეკვისას ოპერატორები მას შეინაურულად სახელით-ტომით მოიხსენიებენ, მთავარი მგზავრი კი თვითმფრინავამდე მიჰყავთ " მერსედესით". . ბუნებრივია, ბევრი პილოტი და სტიუარდესა იცნობს სტუკერს.

სტუკერისთვის მოგზაურობა გატაცებაა.. ერთხელ ტომმა ზედიზედ 12 დღე იფრინა. აღიარებს, რომ თუ ერთი კვირა მაინც არ იფრინა, ფრენის წყურვილი ეწყება. კითხვაზე, ეშინია თუ არა ასე ხშირად ფრენის, სტუკერი პასუხობს, რომ ცაში გაცილებით მშვიდად გრძნობს თავს, ვიდრე მიწაზე. თუმცა, ფრენის მრავალწლიანი გამოცდილების განმავლობაში, ის შეესწრო ჰაერში 4 მგზავრის სიკვდილს.

სხვათა შორის, ავიაკომპანია აღარ გეგმავს მუდმივი ბილეთების გაყიდვას, ამიტომ ნაკლებად სავარაუდოა, რომ მისი ისტორიით შთაგონებულმა ვინმემ სტუკერის რეკორდის მოხსნა შეძლოს