ექსპერტები „9 აპრილს შიდაპოლიტიკური აქციის ჩატარება ამორალურია... ბზობა რომ ვახსენო, აქვს აზრი?" - რას წერს ამირან სალუქვაძე 2023, 6 აპრილი, 2:16 
ექსპერტი სამხედრო-პოლიტიკურ და უსაფრთხოების საკითხებში ამირან სალუქვაძე „ნაციონალური მოძრაობის" მიერ 9 აპრილს დაგეგმილ აქციას სოციალურ ქსელში ეხმიანება და შემდეგი სახის პოსტს აქვეყნებს: „კიდევ ერთხელ 9 აპრილის აქციასთან დაკავშირებით. მიუხედავად უამრავი გამიხმაურებისა, თარიღს მაინც არ ცვლიან. ესაა ერთი მხრივ პროვოკაცია, საზოგადოების დიდი ნაწილის გამოწვევა, მეორე მხრივ - 9 აპრილის შეურაცხყოფა. ახსნა არ უნდა იყოს საჭირო, თუ რა მოხდა 1989 და 1991 წლების 9 აპრილს. პირადად, მეორედ ვწერ, რომ ამ დღეს შიდაპოლიტიკური აქციის ჩატარება ამორალურია. ბზობა რომ ვახსენო, აქვს აზრი? ნაცმოძრაობის ბოლო ნახევარი წლის აქციების თარიღებზე ადრე დავწერე და გავიმეორებ: - 7 ნოემბერი. არ ვიცი აქციის სასტიკად დარბევას დაამთხვიეს, თუ 1917 წლის სოციალისტურ რევოლუციას; - 28 იანვარი. სანდრო გურგვლიანის მკვლელობის დღე; - 13 თებერვალი. სანდრო გირგვლიანის დაბადების დღე. ერთხელ დამთხვევას გავიგებდი, მაგრამ როცა სამივე თარიღი ემთხვევა წინა ხელისუფლების სისასტიკის სიმბოლურ ფაქტებს, მხოლოდ ერთი დასკვნაა - წარსულიდან დასკვნები არ გამოუტანიათ. მეტიც, უარესად იმუქრებიან. მოკლედ, 365 დღეში არსებობს სულ რაღაც რამდენიმე დღე, მნუშვნელოვანი სახელმწიფოებრივი და ეკლესიური თარიღები, რომელ დღეებშიც პოლიტიკური აქციები ძალიან დიდი მკრეხელობაა. 9 აპრილს უნდა აღვნიშნავდეთ მხოლოდ იმ მოვლენებს, რომელ მოვლენებთანაც დაკავშირებულია ეს თარიღი. დანარჩენი თქვენ იცით", - წერს ამირან სალუქვაძე. 
174 1-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
