ინდოეთი და ჩინეთი გახდნენ რუსული ნავთობის უმსხვილესი მყიდველები, რადგან დასავლური ქვეყნები 2022 წლიდან, მას შემდეგ რაც რუსეთი უკრაინაში შეიჭრა, აწესებენ სანქციებს.

რუსეთის წლიური შემოსავლების თითქმის ნახევარი მოდის ნავთობსა და გაზზე. თუმცა მისი გაყიდვები ევროკავშირის ქვეყნებში შემცირდა, ბოლო ერთი წლის განმავლობაში, სანქციების გამო.

2022 წელს რუსეთმა ჩინეთში ორჯერ მეტი თხევადი ნავთობგაზი (LPG) გაიტანა, ვიდრე წინა წელს. მან ასევე მიაწოდა 50%-ით მეტი ბუნებრივი აირი ციმბირის მილსადენით და 10%-ით მეტი ნედლი ნავთობი.

ეკონომიკურად განვითარებული ქვეყნების G7 ჯგუფი, ევროკავშირთან და ავსტრალიასთან ერთად, ცდილობდა დაეწესებინა მსოფლიო ზღვარი ზღვით ტრანსპორტირებული რუსული ნავთობის ფასზე, მაგრამ ჩინეთმა უარი თქვა შესრულებაზე და ყიდულობს რუსულ ნავთობს საბაზრო ფასებში.

ასევე არსებობს ენერგეტიკული კავშირების გაფართოების გრძელვადიანი გეგმები.

ჩინეთი და რუსეთი შეთანხმდნენ ახალი გაზსადენის (The Power of Siberia 2) აშენებაზე. არსებულმა ფუნქციონირება 2019 წელს დაიწყო, 400 მილიარდ დოლარზე მეტი ღირებულების 30 წლიანი კონტრაქტით.