უბედური შემთხვევა მსხვერპლით დასრულდა ქალაქ დედოფლისწყაროში. შირაქის ქუჩაზე წუხელ გვიან ღამით მერსედესის მარკის ავტომობილის მძღოლმა საჭე ვერ დაიმორჩილა და მესერს შეეჯახა. შედეგად 33 წლის მძღოლი ადგილზე გარდაიცვალა, დაშავდნენ მგზავრებიც.

იყო თუ არა მძღოლი ალკოჰოლური თრობის ქვეშ, ამას ექსპერტიზა დაადგენს. ერთ-ერთი ვერსიით, მძღოლს საჭესთან ჩაეძინა. ავტომანქანაში კიდევ ორი მგზავრი იმყოფებოდა, რომლებიც კარიდან გადმოცვივდნენ.

ადგილობრივები დედოფლისწყაროს ტელევიზიას უყვებიან, რომ მამაკაცი მეგობრებთან ერთად სოფელ ოზაანიდან ბრუნდებოდა და ერთერთ ცენტრალურ ქუჩაზე სწრაფად მოძრაობდა, რა დროსაც შეჯახება მოხდა.

მომხდართან დაკავშირებით შს დედოფლისწყაროს პოლიციის სამმართველო გამოძიებას 126-ე მუხლით აწარმოებს.