გლდანის მე-8 საპყრობილის ყოფილი თანამშრომელი ვლადიმერ ბედუკაძე რუსეთ-უკრაინის ომთან დაკავშირებით ბრიტანეთის გადაწყვეტილებას, მიაწოდოს უკრაინას ურანით გამდიდრებული იარაღი, სოციალურ ქსელში ეხმიანება და შემდეგი სახის პოსტს აქვეყნებს:

„ბრიტანელები უკრაინაში საშინელ პლანეტარულ პროვოკაციას ამზადებენ, უყურეთ აუცილებლად!

ბრიტანეთი აპირებს, უკრაინას მიაწოდოს ყოველგვარი კონვენციით აკრძალული იარაღი, რომლის გამოყენება ატომური იარაღის გამოყენების ტოლფასია.

„თუ უკრაინა გამოიყენებს ბირთვულ კომპონენტებს, რომელსაც მას დიდი ბრიტანეთი მიაწვდის, პასუხი იქნება შესაბამისად მკაცრი. რუსეთი იძულებული იქნება იმოქმედოს", - აცხადებს ძებნილი პრეზიდენტი.

ლონდონის განცხადებით, თურმე „გამდიდრებულ ურანს საერთოდ კავშირი არ აქვს ბირთვულ იარაღთან, ეს სტანდარტული კომპონენტია, რომელსაც ბრტინეთის თავდაცვის სამინისტრო უკვე ათწლეულებია რაც იყენებს და ეს რუსეთის დეზინფორმაციაა".

ფაქტია, გამდიდრებული ურანი ვრცელდება რა მინიმუმ 40 კმ. რადიუსში, ადამიანის ფილტვებში მოხვედრისას იწვევს კიბოს, სისხლის გათეთრებას, ლეიკემიას, ფაქტები სახეზეა ყოფილ იუგოსლავიის ქვეყნებში, ერაყში", - წერს ბედუკაძე და ვიდეოს აქვეყნებს: