თავის ტილები ადვილად იხოცებიან სპეციალური შამპუნით, მაგრამ თუ არ იმკურნალებთ, ეს პარაზიტები სუპერ მდგრადი მწერები ხდებიან.

TikTok-ის გვერდზე ნაჩვენებია, რომ ერთ თვეში 20000-მდე ამ პაწაწინა სისხლისმწოველმა მწერმა შეიძლება დაიბუდოს თქვენს თავზე, რა დროსაც უმეტეს შემთხვევაში მკურნალობა ეფექტური აღარ იქნება.

სისხლის მწოველი ეს პარაზიტები 9-10 დღის განმავლობაში გაგიქრებათ, თუ FDA-ს მიერ დამტკიცებული პერმეტრინის ლოსიონს და წვრილკბილიან სავარცხელს გამოიყენებთ, ერთი კლავს წილებს და ტილებს, ხოლო მეორეთი იშორებთ, რა დროსაც გამრავლების საშუალებას უზღუდავთ.

თავის ტილი არის პატარა, მონაცრისფრო- მოთეთრო ფორმის პარაზიტი, რომელიც ცხოვრობს თავის თმიან ნაწილში. იგი დღის განმავლობაში დებს 7-10 კვერცხს, რომელსაც ეწოდება წილები და მიმაგრებულია თმებზე, თავის ქალასთან ახლოს. მათგან ტილის გამოჩეკა ხდება 8 დღეში. გამოჩეკის შემდეგ კვერცხის გარეკანი უფრო შესამჩნევი ხდება, ის თავისით არ სცილდება თმას, მისი მოცილება თმის ზრდასთან ერთად ხდება. ტილების გავრცელებას ხელს უწყობს თმის თმასთან კონტაქტი, ვინაიდან ეს პარაზიტი არც დაფრინავს და არც დახტის დიდ მანძილზე. ინვაზირებული პაციენტის მოხმარების საგნებით (სავარცხელი, თეთრეული, ტანსაცმელი და ა.შ.) ტილების გადაცემის დაბალი რისკი არსებობს.

ტილებით დაინვაზირებულ პაციენტებს განსაკუთრებული სიმპტომები არ აღენიშნებათ, ერთადერთი შემაწუხებელია თავის, კისრის და ყურის უკანა მიდამოების ქავილი. ქავილის მიზეზია ტილის მიერ გამოყოფილი ნერწყვი, რომელსაც ის გამოყოფს კვების დროს.

ტილებს გადააქვთ ინფექციური დაავადებები (მუცლის ტიფი, ციება და სხვა).