გეგამ თინა მაშინ გაიცნო, როცა სამხატვრო აკადემიაში დათო მიქაბერიძესთან მიდიოდა. მისი ტელეფონის ნომერი ვითომ შემთხვევით აკრიფა და მასთან მოხვდა. ერთი თვის განმავლობაში ურეკავდა და ეუბნებოდა, ვითომ ინვალიდია, სავარძელს მიჯაჭვული, ჰყავს დედა, რომელიც სასტიკად ექცევა… თავს აცოდებდა, ეგზიუპერის ერთ-ერთი ნაწარმოებიდან ნაწყვეტებს უკითხავდა...

ბოლოს უთხრა, შენი ნახვა მინდაო. თუ სავარძელში ზიხარ, როგორ მნახავო, – გაკვირვებულმა ჰკითხა თინამ. ამხანაგები მომიყვანენო, – უთხრა გეგამ და წავიდა შეხვედრაზე.

რომ დავინახე რაღაცნაირად მივხვდი, რომ ის „ინვალიდი“ გეგა იყო. გავიქეცი, გამომეკიდა, გულში მაგრად ჩამიკრა და მითხრა – ამიერიდან არსად აღარ გაგიშვებო… იხსენებდა თინა.

მათი ქორწილი კინოს სახლში გადაიხადეს. მეორე დღეს მათ მიერ თვითმფრინავის გატაცების ამბავმა მთელი ქვეყანა შეძრა. ბიჭები დახვრიტეს, თინა კი დააპატიმრეს.