კონფლიქტები მედვედევს მიაჩნია, რომ იაპონიამ ჰიროსიმას და ნაგასაკის მსხვერპლთა ხსოვნას უღალატა 2023, 15 იანვარი, 10:34 ![]() მან გააკრიტიკია იაპონიის პრემიერ მინისტრი, აშშ-ს პრეზიდენტთან ჯო ბაიდენთან ერთობლივი განცხადების გამო, მედვედევმა ხაზი გაუსვა იმ ფაქტს, რომ ის(იაპონიის პრემიერი) გამოიყურებოდა ისე, თითქოს ვაშინგტონის ვასალი იყო. „იაპონიის მთავრობის მეთაური, დამამცირებელ, ერთგულ მორჩილივით სისულელეებს ლაპარაკობს რუსეთზე, რითაც უღალატა ასობით ათასი იაპონელის ხსოვნას, რომლებიც დაიწვნენ ჰიროსიმასა და ნაგასაკის ატომურ ცეცხლში“, - წერს უშიშროების საბჭოს თავმჯდომარის მოადგილე. მედვედევი ასევე გამოეხმაურა აშშ-ის პრეზიდენტის ჯო ბაიდენის და იაპონიის პრემიერ-მინისტრ ფუმიო კიშიდას განცხადებას რუსეთის მხრიდან უკრაინაში შესაძლო ბირთვული იარაღის გამოყენების შესახებ.მან მათ ამ განცხადებას პარანოია უწოდა. „ეს ისეთი ამაზრზენი სირცხვილია, რომ კომენტარსაც არ გავაკეთებ ჩვენი სახელმწიფოს ბირთვული გეგმების პარანოიაზე“, - განაცხადა პოლიტიკოსმა. მედვედევმა უსაყვედურა და შეახსენა იაპონიის მთავრობის მეთაურს, რომ შეერთებული შტატები ერთადერთი ქვეყანაა მსოფლიოში, რომელმაც ბირთვული იარაღი გამოიყენა სწორედ მისი ქვეყნის მოსახლეობის წინააღმდეგ: "კისიდას აბსოლუტურად არ აინტერესებს, რომ ერთადერთი ქვეყანა, რომელმაც სრულად გამოიყენა ბირთვული იარაღი, იყო შეერთებული შტატები“, - დასძინა მედვედევმა. 302 3-ს მოსწონს
|