ეს ქალაქი ორ ათას წელზე მეტი ხნისაა, თუმცა, იმ სახით, რომლითაც იგი მთელ მსოფლიოშია ცნობილი, დაახლოებით ხუთი საუკუნის წინ დაიწყო ჩამოყალიბება. ქალაქის არქიტექტურა შეტანილია იუნესკოს მსოფლიო მემკვიდრეობის პროგრამაში 1982 წლიდან.
დიდი ხნის განმავლობაში ეს ქალაქი, რომლის მოსახლეობაც არ აღემატება 14 ათას ადამიანს, იყო უძველესი სამხრეთ არაბეთის სახელმწიფოს ჰადრამაუტის დედაქალაქი, რომელიც ახლა იემენის ისტორიულ რეგიონად და პროვინციად ითვლება. ქალაქს აქვს დაახლოებით ხუთასი მაღალსართულიანი შენობა ხუთიდან თერთმეტ სართულამდე. სახლის ყოველი სართული ერთ ოჯახს უკავია. ასეთი ქალაქის აშენების თავდაპირველი მიზანი იყო ბედუინი მომთაბარეების თავდასხმებისგან თავის დაცვა. ამჟამად კი მთავარი პრობლემა ტერმიტების შემოსევაა. ბუნებრივია, სახლები რამდენჯერმე გადაკეთდა და ბევრ მათგანს შორის არის დამაკავშირებელი ხიდები. დღეისათვის აქ არის მსოფლიოში ყველაზე მაღალი თიხის სახლები, რომელთა სიმაღლე 30 მეტრს აღწევს.
