შსს-ს მიერ გავრცელებულ ვიდეომასალაში, სავარაუდოდ, კოალიცია "ქართული ოცნების" ლიდერის ბიძინა ივანიშვილის ძმისშვილი ფიგურირებს. ივანიშვილი ამას ხელისუფლების მიერ მოგონილს უწოდებს.
"ახალი შეთითხნილია რაღაც, რაღაცას მამაძაღლობენ. ეს იგეგმებოდა და მოგონილია. ამბობდნენ, რომ რაღაცები აქვთ. არ ყოფილა შემთხვევა, რომ ჩვენ ვინმეს მოსყიდვაზე გვეზრუნა. ეს არ ყოფილა ჩვენს იდეოლოგიაში", - ამბობს ივანიშვილი.
შსს-ს მიერ გავრცელებულ კადრებში ივანიშვილის ძმისშვილის არსებობას არც "ქართული ოცნების" პრეს-სამსახურში არ აზუსტებენ.
შეგახსენებთ, რომ შსს-მ საჯარო მოხელეების, მათ შორის, პოლიციის თანამშრომლების მოსყიდვის მცდელობის ფაქტები გამოავლინა, რომელშიც "ქართული ოცნების" წევრები და მასთან დაახლოებული პირები მონაწილეობენ.