ავსტრალიური თითა ლაიმი ეგზოტიკური მცენარეა, რომელსაც სხვაგვარად "ფინგერლეიმსაც" უწოდებენ. ხილის დიდი ბუჩქები იზრდება 6 მეტრამდე სიმაღლის. ლაიმის ნაყოფი თავისი ფორმით მოგაგონებთ თითებს. ავსტრალიურ თითა ლაიმს შეიძლება, ჰქონდეს 4 ფერის ნაყოფი: წითელი, ვარდისფერი, ყვითელი და მწვანე. ნაყოფის რბილობიც უჩვეულოა შესახედავად და ჰგავს თევზის ხიზილალას. გურმანები ავსტრალიური ლაიმის ნაყოფს იყენებენ გარნირის სახით, ხორციან კერძთან ერთად, ან სოუსებისა და მარინადების ინგრედიენტად.