ისე მოხდა, რომ პოლიტიკაში, მეცნიერებასა და საზოგადოებრივ ცხოვრებაში წამყვანი როლები კაცებს უკავიათ. და ეს მაშინ, როცა ქალები ზრუნავენ სახლის კომფორტის შექმნაზე, ბავშვების აღზრდაზე და სამზარეულოზე.
ამ ქალებმა კი მნიშვნელოვანი წვლილი შეიტანეს ისტორიაში, მაგრამ ამისდა მიუხედავად, ცოტამ თუ იცის მათი სახელები:

1. ჟანა ბარე- ბოტანიკოსი, მკვლევარი, მოგზაური

ბოტანიკოსი და მკვლევარი ჟანა ბარე იყო პირველი ქალი, რომელმაც შემოუარა მსოფლიოს. 1766 წელს 26 წლის ფრანგი ქალი დაიქირავეს გემზე, როგორც ცნობილი ფრანგი ბოტანიკოსის ფილიბერ კომერსონის მსახური (სინამდვილეში მისი საყვარელი იყო). გემზე მოსახვედრად მან (მაშინ ქალებს ბორტზე ფაქტობრივად არ უშვებდნენ)) მამაკაცის ტანსაცმელი მოირგო და თავი ჟანად წარადგინა.
ამგვარად, იმოგზაურა მთელს მსოფლიოში, აგროვებდა და სწავლობდა მცენარეთა ნიმუშებს ფილიბერტ კომერსონთან ერთად. მისი ნამდვილი სქესი უკვე გამოვლინდა სამხრეთ წყნარ ოკეანეში, რის შემდეგაც იგი და კომერსონი კუნძულ მავრიკზე დაეშვნენ. ბარე საფრანგეთში მხოლოდ ათი წლის შემდეგ დაბრუნდა, მაგრამ სამშობლოში მთავრობამ დააჯილდოვა ბოტანიკაში შეტანილი წვლილისთვის.

2. ნიტა თეგეელი- პოეტი

ძველი საბერძნეთის ერთ-ერთი უდიდესი პოეტი, ანიტა (ძვ. წ. III ს.) იყო ერთ-ერთი ყველაზე ადრეული პოეტი, რომელიც წერდა ძირითადად რეალურ სამყაროზე და არა ზებუნებრივზე, ფოკუსირებული იყო ფლორასა და ფაუნაზე და არა ღმერთებზე. ანიტა ასევე ცნობილი იყო ეპიტაფიების წერით, რომელთაგან ბევრს იუმორისტული ტონი ჰქონდა. დღეს ანიტას უფრო მეტი ნაწარმოებია შემორჩენილი, ვიდრე რომელიმე სხვა ბერძენი პოეტის.

3. საიდა-ალ ჰურა-ქალაქ ტეტუანის დედოფალი.

მე-16 საუკუნის ცნობილი ისლამური "ხმელთაშუა ზღვის დიდებული" საიდა ალ-ჰურა იყო ჩრდილოეთ მაროკოს ქალაქ ტეტუანის დედოფალი და ლეგენდარული მეკობრე, რომელიც აფრთხობდა დასავლეთ ხმელთაშუა ზღვის დიდ ნაწილს. მიუხედავად იმისა, რომ მისი ნამდვილი სახელი უცნობია, საიდ ალ-ჰურას ხშირად მოიხსენიებდნენ, როგორც "კეთილშობილ ქალბატონს, რომელიც არის თავისუფალი და დამოუკიდებელი", ასევე "მმართველი ქალი, რომელიც არ ემორჩილება უმაღლეს ხელისუფლებას".

4. აფრა ბენი. დრამატურგი, რომანისტი, პოეტი და მთავრობის ჯაშუში.

მეჩვიდმეტე საუკუნის დრამატურგი, რომანისტი, პოეტი და სამთავრობო ჯაშუში აფრა ბენი შეიძლება ყოფილიყო პირველი ქალი ინგლისში, რომელიც ფულს შოულობდა მწერლობით. იგი ცნობილი გახდა იმით, რომ მისი ნამუშევრები ხშირად აშკარად ეროტიკული ხასიათისა იყო. ინგლის-ჰოლანდიის ომის დროს (1666 წლიდან 1667 წლამდე) აფრა ბენი ჩარლზ II-ისთვის საიდუმლო მისიებს ახორციელებდა ფსევდონიმით ასტრეა.

5. კაროლინა ჰერშელი- ასტრონომი

ბრიტანელი ასტრონომი კაროლინა ჰერშელი დაიბადა 1750 წელს გერმანიაში და 22 წლის ასაკში გადავიდა ინგლისში თავის ასტრონომ ძმასთან, საბოლოოდ კი მისი დახმარება დაიწყო. ჰერშელი იყო პირველი ქალი, რომელმაც აღმოაჩინა კომეტა, მისი სამეცნიერო ნაშრომი ცნობილი გახდა მთელ მსოფლიოში.

6. ჩიეუ თჰი ჩინი-ვიეტნამელი ჟანა დ'არკი.

მას ზოგჯერ ვიეტნამელ ჟანა დ'არკს უწოდებენ, მე-3 საუკუნეში ის ხელმძღვანელობდა აჯანყებულთა არმიას ჩინელი დამპყრობლების წინააღმდეგ. ჩინელებს ქალი შიშის ზარს სცემდა.

7. სარა გუპი-გამომგონებელი

ბრიტანელმა გამომგონებელმა სარა გუპიმ მიიღო 10 პატენტი სხვადასხვა ელექტრო მოწყობილობებზე მე-18 საუკუნის ბოლოს და მე-19 საუკუნის დასაწყისში, ყავის მადუღარებიდან დაწყებული, რომელთა ორთქლსაც იყენებდნენ კვერცხების მოსახარშად და ტოსტებისთვის, გემების ძირიდან მოლუსკების მოსაშორებელ მოწყობილობამდე (ამ პატენტისთვის, ბრიტანელებმა ფლოტმა სარას 40000 ფუნტი გადაუხადა).

8. სარა მურ გრიმკე და ანჯელინა გრიმკე-ორატორები.

დები სარა და ანჯელინა გრიმკები, რომლებიც მნიშვნელოვანი გავლენა იქონიეს სიკვდილით დასჯის გაუქმებაზე, იყვნენ მე-19 საუკუნის ორატორები, ისინი მოგზაურობდნენ მთელ ამერიკაში და კითხულობდნენ ლექციებს მონობის საშინელებათა შესახებ. ასევე მუდმივად ემხრობოდნენ ქალების უფრო დიდ უფლებებს.

9. მარგარეტ ნაითი- გამოიგონა ქაღალდის პაკეტი

1838 წელს მაინში დაბადებული მარგარეტ ნაითი ცნობილი გახდა პროდუქტის გამოგონებით, რომელმაც სამყარო სამუდამოდ შეცვალა: ქაღალდის პაკეტი. ნაითმა ასევე შექმნა მანქანა, რომელსაც შეეძლო ბრტყელი ფსკერის მქონე ქაღალდის ჩანთების მასობრივი წარმოება (ქაღალდის ჩანთები, რომლებიც იმ დროს არსებობდა, უფრო ბრტყელ კონვერტებს ჰგავდა). მის ორიგინალურ დიზაინზე დაფუძნებული მანქანები დღესაც გამოიყენება.


10. ფანი ფარმერი- კულინარიული წიგნების ავტორი

ფანი ფერმერს ხშირად ეძახდნენ მე-19 საუკუნეში კულინარიის დედას. ფანი დაიბადა ბოსტონში 1857 წელს, მისი კულინარიული წიგნები ჯერ კიდევ იბეჭდება, ფანი იყო პირველი ქალი, რომელმაც ფული გამოიმუშავა სამზარეულოსა და სახლის მოვლაზე.

11. მირაბაი- პოეტესა

მირაბაი იყო მე-16 საუკუნის ინდოელი პოეტი, რომელმაც, მიუხედავად მისი ოჯახის უკმაყოფილებისა, დაუერა მრავალი ბჰაჯანი (ლოცვის სიმღერა) ინდუისტურ ღმერთ კრიშნას. მირაბაი დაიბადა მდიდარ ოჯახში, მაგრამ ერიდებოდა არისტოკრატიული ცხოვრების წესს, მთლიანად მიუძღვნა თავი კრშნას თაყვანისცემას და ბჰაჯანების სიმღერას.

12. ედმონია ლუისი- მხატვარი, მოქანდაკე

ერთ-ერთი პირველი საერთაშორისოდ ცნობილი აფრო-ამერიკელი მხატვარი, ედმონია ლუისი დაიბადა ნიუ-იორკში 1844 წელს და სწავლობდა ხელოვნებას ობერლინის კოლეჯში, სანამ პროფესიონალი მოქანდაკე გახდებოდა. იგი ცნობილი იყო ცნობილი აბოლიციონისტების მარმარილოს ბიუსტებით, როგორიცაა ლონგფელოუ და ჰორას გრილი. მის მფარველებს შორის იყო პრეზიდენტი ულისე გრანტი.

13. ლოზენი- ინდიელი მეომარი.

აპაჩეს მეომარი ლოზენი აღშფოთებული იყო, რომ ის და მისი ოჯახი რეზერვაციაში გადაიყვანეს 1870-იან წლებში. ძმასთან, ვიქტორიოსთან ერთად, იგი მეომრების ჯგუფს ხელმძღვანელობდა და დაიწყო დარბევა იმ მიწებზე, რომლებიც მათ წაართვეს დასახლებულებმა.


14. ციუ ძინი-ფემინისტი, რევოლუციონერი, პოეტი

ჩინელი ფემინისტი, რევოლუციონერი, პოეტი და საბოლოოდ მოწამე ციუ ძინი იბრძოდა ქალებისთვის განათლების უფლების მინიჭებისთვის და ეწინააღმდეგებოდა ფეხის შეკვრის პრაქტიკას. მან დააარსა ფემინისტური ჟურნალი და ცდილობდა აჯანყება დაეწყო ძინის დინასტიის წინააღმდეგ. ქალი სიკვდილით დასაჯეს 1907 წელს.

15. ჰარიეტ პაუერსი- ტექსტილის ოსტატი

1837 წელს საქართველოში მონობაში დაბადებული ჰარიეტ პაუერსი ცნობილი გახდა, როგორც ერთ-ერთი უდიდესი ტექსტილის მწარმოებელი შეერთებული შტატების ისტორიაში. მთელი თავისი ცხოვრების განმავლობაში, პაუერსი იყენებდა აპლიკაციურ საბნებს ბიბლიური ისტორიებიდან და მითებიდან განსაცვიფრებელი და რთული გამოსახულების გადმოსაცემად, ასევე დასავლეთ აფრიკის მხატვრული ტრადიციების აღდგენისთვის. დღესდღეობით მხოლოდ ორი მისი საბანია შემორჩენილი, ერთი გამოფენილია სმიტსონის ამერიკის ისტორიის ეროვნულ მუზეუმში, მეორე კი ბოსტონის სახვითი ხელოვნების მუზეუმში.