გავიხსენოთ სიგარეტები საბჭოთა კავშირიდან, მათ შორის ქართული სიგარეტები

მრეწველობა

2022, 8 სექტემბერი, 17:09

საბჭოთა კავშირში სხვა ზოგიერთი ნაწარმისგან განსხვავებით სიგარეტის არჩევანი საკმაოდ მრავალფეროვანი იყო, გამოდიოდა 100-ზე მეტი დასახელების სიგარეტი, რომლის ფასი 14 კაპიკიდან 1 მანეთამდე მერყეობდა ხარისხის მიხედვით ამის გარდა ძირითადი იმპორტი შემოდიოდა ბულგარეთიდან, უფროსი თაობის მწეველებს კარგად ახსოვთ სიგარეტი როდოპი, BT, ტუ-134, ოპალი და სხვები.(ფასი 30 კაპიკიდან 60 კაპიკამდე)

ამის გარდა საბჭოთა კავშირში კუბიდან შემოდიოდა სიგარები-"ჰავანა", "მონტეკრისტო" და სხვები.

ფილიპ-მორისთან" გაფორმებული ხელშეკრულებით კი ადგილობრივი წარმოების Marlboro(სოხუმი, კიშინიოვი), 80-იან წლების დასაწყისში გამოჩნდა პირველი ამერიკული სიგარეტები მენთოლით Salem-ი და Newport, რომლის ფასი 1, 5 მანეთი იყო.

საბჭოთა თამბაქოს მწარმოებლები თავიანთ პროდუქტს კლასის მიხედვით აალაგებდნენ რაც დამოკიდებული იყო თამბაქოს ხარისხზე და მის სიძლიერეზე (პირველიდან მეშვიდემდე). მაგრამ მომხმარებლები თავის არჩევანს აკეთებდნენ (თუ იყო ამის შესაძლებლობა) არა იმაზე, თუ რომელი კლასის იყო სიგარეტი, არამედ თუ რომელ ქარხანაში იყო დამზადებული პროდუქცია და როგორი იყო თავად შეფუთვა - მყარი თუ რბილი. მწეველთა აბსოლუტური უმრავლესობა დარწმუნებული იყო, რომ ერთი და იგივე ბრენდის სიგარეტი, რომელიც მუყაოს ყუთში იყო შეფუთული, უკეთესი იყო, ვიდრე რბილი ქაღალდისაში.მაგალითად თუნდაც სიგარეტი "კოსმოსი", ასევე მომხმარებლებს მიაჩნდათ, რომ იგივე "კოსმოსი" სოხუმის ფაბრიკის გამოშვება იყო საუკეთესო.

სიგარეტის სახელები და სურათები შეფუთვაზე საბჭოთა ქვეყნის ცხოვრების ნამდვილ ენციკლოპედიად იყო ქცეული.

ამ დასახელებებით შესაძლებელი იყო არა მხოლოდ ოფიციალური ისტორიისა და იდეოლოგიის, არამედ გეოგრაფიისა და სოციოლოგიის თავისებურებების შესწავლა.

მართლაც, საბჭოთა კავშირში მზადდებოდა ბრენდები, რომელიც ეძღვნებოდა კოსმოსურ ფრენებს, ფესტივალებს, ტექნიკურ სიახლეებს, ვრცელი კავშირის ზოგიერთ ქალაქსა და რეგიონს.

გარდა ამისა, მოსახლეობის თითქმის ყველა ფენას, პოეტებიდან დაწყებული მაღაროელებით დამთავრებული, სპეციფიკური „საკუთარი“ სიგარეტი ჰქონდა.

უკვე საბჭოთა კავშირის დაშლის წინ, 1990 -იანი წლების დასაწყისში"სიგარეტის კრიზისის" პერიოდში, როდესაც "ბიჩოკები"მინის ქილებით იყიდებოდა და 3 მანეთი ღირდა, საბჭოთა კავშირს მხსნელად მოევლინა ამერიკა, სწორედ ამ პერიოდში სსრკ-მ ოფიციალურად შეისყიდა Magna, Kongress და Bond-ი.