"გახსოვთ ალბათ წლების წინ სამეჯლისო ცეკვა მარტო მოყვარულებისთვის იყო, სატელევიზიო პროექტმა ის პოპულარული გახადა და ვნახეთ რამდენი ბავშვი აცეკვდა, რამდენი ჯგუფი გაიხსნა.

მებაღეობა დამხმარე საქმიანობად ითვლებოდა და ვნახეთ ზურა შევადნაძის მაგალითზე ეს რამხელა სიამოვნება, კრეატიულობა და როგორი პროფესია და დღეს როგორი პრესტიჟული გახდა კულინარია სამზარეულობა, . გახსოვთ სულ რაღაც რამდენიმე ათწლეულის წინ ცხვირს როგორ ვწევდით " უი მზარეული ყოფილა" და როგორი მენტალური ცვლილება მოხდა ჩვენში, როგორი მაღალანაზღაურებადი გახდა.

ისევდაისევ სატელევიზიო პროექტების და პროფესიონალების წყალობით, რამდენმა ადამიანმა შეიცვალა პროფესია და მოიხსნა კომპლექსი... ახლა ამ ბიჭის მაგალითი რამხელა სტიმული უნდა გახდეს ბავშვთა ფეხბურთისთვის. ეგ სტატისტიკა მინდა ვნახო მალე. ცოცხალი მაგალითები სულ სხვა მოტივაციაა. სპორტულ სამყაროში ხომ ვარსკვლავი ამობრწყინდა და ამ საცოდავ ქვეყანაშიც, ამ პოლიტიკური მარაზმის ფონზე სადაც მარტო პოლიტიკოსები და გაურკვეველი ხალხი გახდა "ცნობილი-ცნობადი და ვარსკვლავი" (ესეც მედიის ბრალია ვაღიარებ) სხვა ალტერნატივა გაუჩნდა.

სამი რამ მინდა ვისურვო ამ ოქროს ბიჭს ე.ი განვითარება და არ გაჩერდეს, არ დაიჯეროს რომ უკვე ვარსკვლავია, პოლიტიკას და პოლიტიკოსებს არ გაეკაროს და თავში არ აუვარდეს. მე გავედი.

P.S. ხომ ნახეთ მედიას რამდენი შეუძლია, როგორი იარაღია. კარგის ტირაჟირებას რა შედეგი მოაქვს და ტვინების გამორეცხვას რა" - წერს სოციალურ ქსელში ჟურნალისტი და პრეზიდენტის ადმინისტრაციის პრესსამსახურის ყოფილი უფროსი მანანა მანჯგალაძე.