ავსტრალიის შტატ ვიქტორიაში კათოლიკური ეკლესიის წარმომადგენლებმა დაადასტურეს, რომ 1930 წლიდან დღემდე 600 ბავშვი გახდა პედოფილი მღვდლების მსხვერპლი, იუწყება BBC.არქიეპისკოპოს დენის ჰარტის სიტყვებით, მსგავსი სტატისტიკა შოკისმომგვრელია.

სამართალდამცავთა მონაცემებით, მსხვერპლის რეალური რაოდენობა, დაურეგისტრირებელი შემთხვევების ჩათვლით 10 ათასსაც აჭარბებს. და ეს მხოლოდ შტატ ვიქტორიაში!ოფიციალური სტატისტიკის მონაცემებით დანაშაულის უმეტესი შემთხვევა 60-იან და 80-იან წლებში მოხდა.
მას შემდეგ, რაც 2002 წელს პედოფილიასთან დაკავშირებული სკანდალი აგორდა ამერიკის ეკლესიაში, ბევრ ქვეყნებში ითქვა, რომ „ეს ამერიკის პრობლემაა“; როდესაც ამას მოჰყვა იგივე სახის სკანდალი ირლანდიაში - ჩათვალეს ინგლისურენოვანი ქვეყნებისთვის დამახასიათებლად; მერე გაირკვა, რომ მსგავსი სექსუალური ქმედებებით გამოწვეული პრობლემა არსებობს იტალიაში, გერმანიაში, საფრანგეთში და სხვა, რომ ვერაფერი მოიფიქრეს, ჩათვალეს დასავლური სამყაროს პრობლემად.