პაპარაცების ლუკმა - პური - ყველაზე შეუფერებელ მომენტში გადაღებული ვარსკვლავების ფოტოებია და რაც უფრო სკანდალური და მოულოდნელი იქნება ისინი, მით უფრო მეტ ფულს გადაუხდიან მათ ამაში, ამიტომ ყვითელი პრესის წარმომადგენლები ცნობილ ადამიანებზე მთელი 24 საათის განმავლობაში ნადირობენ, შედეგად კი როგორც წესი, ვიღებთ: ღალატის ფაქტების, ალკოჰოლის ბოროტად გამოყენებისა და ბავშვებთან არაადეკვატური მოქცევის ამსახველ ფოტოებს. დღევანდელ სტატიაში თქვენს ყურადღებას პაპარაცების ყველაზე სკანდალურ კადრებზე შევაჩერებ. მაშ ასე.....

1. ანიტა ეკბერგი პაპარაცებს ემუქრება

რეპორტიორებმა "ტკბილი ცხოვრების" ვარსკვლავს თავი იმდენად მოაბეზრეს რომ 60-იანი წლების იტალიური კინემატოგრაფის სექს-სიმბოლო საკუთარი ტერიტორიის დაცვას სწორედ ასეთი უჩვეულო იარაღით ცდილობდა. ფოტო 1960 წელს არის გადაღებული.

2. ბრიტნი სპირსს ახალშობილი ვაჟი ცალ ხელში ძლივს უჭირავს

მეორე ხელით კი ახალგაზრდა დედას ალკოჰოლური სასმელი უჭირავს, მას შემდეგ კი, რაც ამ ფოტომ მსოფლიო შემოიარა, მომღერალს მშობლის უფლება ჩამოერთვა, თუმცა პოპ - ვარსკვლავი გონს მაინც ვერ მოეგო, პირიქით, სელებრითი აღვირახსნილობის უკიდეგანო ქაოსში გადაეშვა: თმა ნულზე გადაიპარსა და გამუდმებით დებოშსა დ სკანდალებს აწყობდა.

3. პრინცესა დიანას უკანასკნელი ფოტო, სანამ ის საბედისწერო ავარიაში მოყვებოდა

ძირითადი ვერსიის თანახმად ავარია პაპარაცების დადევნების შედეგად მოხდა

4. მარტოხელა პრინცესა დიანა ტაჯ - მაჰალის ფონზე

აღნიშნული ფოტო 1992 წელს არის გადაღებული. საზოგადოებამ უელსის პრინცესას მარტო გამოჩენა ერთგვარ მესიჯად მიიღო, რომელიც იმის შესახებ მოგვითხრობდა თუ რა შეიძლებოდა ეგრძნო ქალს, რომელიც ქმარს არ უყვარდა და მას სხვასთან ღალატობდა

5. კრისტენ სტიუარტი რობერტ პატინსონს რეჟისორ რუპერტ სანდერსთან ღალატობს

მოტყუებულმა საქმრომ "მოღალატე" პარტნიორთან ყოველგვარი ურთიერთობა გაწყვიტა

6. იშვიათი ფოტო სადაც მადონა, სტინგი და თუფაქ შაკური ერთად არიან გადაღებული

ერთი შეხედვით, ამ ვარსკვლავებს საერთო არაფერი არ უნდა ჰქონოდათ, თუმცა გავრცელებული ჭორების თანახმად, პოპ - ვარსკვლავი თუფაქს ხვდებოდა

7. თუფაქ შაკურის სიკვდილამდე ცოტა ხნით ადრე გადაღებული ფოტო

რამდენიმე წუთში რეპერი უცნობმა პირებმა მანქანაში ჩაცხრილეს

8. სტივ ჯობსის უკანასკნელი ფოტო

საზოგადოება შოკირებული იყო "Apple"-ის დამფუძნებლის გარეგნობის ხილვით, რომელიც სიმსივნით იტანჯებოდა. სტივ ჯობსი 56 წლის ასაკში გარდაიცვალა.

9. ჯონ ლენონი საკუთარ მკვლელს ავტოგრაფს აძლევს

რამდენიმე საათში მარკ ჩეპმენი ლეგენდარული ჯგუფის "Beatles"- ის წევრს სიცოცხლეს გამოასალმებს

10. ავადმყოფობისგან დაუძლურებული ფრედი მერკური

მომღერალი შიდსით გარდაიცვალა

11. გარდაცვლილი მოდელის ანა ნიკოლ სმიტის ფოტო

ფოტოგრაფმა ამ კადრისთვის 1, 5 მილიონი დოლარი მიიღო

12. ფოტომტკიცებულება იმისა, რომ ჰილარი კლინტონმა მეუღლეს მონიკა ლევინსკისთან ღალატი აპატია

მაშინ მთელმა მსოფლიომ გაიგო რომ პრეზიდენტის ოჯახში ისევ სრული ჰარმონია სუფევდა

13. ელიზაბეთ ტეილორსა და რიჩარდ ბარტონს შორის არსებული რომანის დამადასტურებელი ფოტო

პრობლემა არც არაფერი იქნებოდა, თუმცა მსახიობი მაშინ ედი ფიშერზე იყო გათხოვილი, მისი საყვარელი მეგობარი მამაკაცი კი დაქორწინებული სხვა ქალზე გახლდათ

14. ბრედსა და ანჯელინას შორის არსებული რომანის დამადასტურებელი ფოტო

მანამდე მათ რომანზე მხოლოდ ჭორები დადიოდა

15. მთვრალი პამელა ანდერსონი

ფოტოგრაფმა მსახიობის გადაღება სწორედ მაშინ მოასწრო, როდესაც მალიბუს ცნობილი მაშველი ფეხზე ძლივს მდგომი ღამის კლუბს ტოვებდა

16. მაიკლ ჯექსონი საკუთარ ქალიშვილს სასტუმროსთან შეკრებილ ფანებს აივნიდან უჩვენებს

როგორც ჩანს, იმისთვის რომ პოპის - მეფეს ბავშვის სახე დაემალა, მან ჩვილს თავი პირსახოცით შეუხვია, მაშინ საზოგადოებამ მომღერლის ასეთი სასტიკი და უცნაური საქციელი მკაცრად გააკრიტიკა

17. ჯესიკა სიმპსონი ნიკ ლაშესთან დაგეგმილი ქორწილის წინა დღეს ღალატში გამოიჭირეს

ვარსკვლავმა სასტუმრო ადამ ლევინის პერანგში დატოვა. მოტყუებულმა საქმრომ ცერემონია სასწრაფოდ გააუქმა

18. ეშტონ კატჩერი დემი მურს ღალატობს

სარა ლეალთან ხანმოკლე რომანი მსახიობს საკმაოდ ძვირი დაუჯდა, მას მთელი ორი წლის განმავლობაში როლს არ სთავაზობდნენ