ჩემს გულის რწმენებს ვიტყოდი გასაჯავრებლად მტრისაო,
სააკაშვილი მიხეილ შვილია გიორგისაო,
თავის წინაპარს არ არცხვენს, მკლავი აქვს ფოლადისაო,
მკერდს უძგერს გული ლომისა, მუხლი მამალი მგლისაო,
ეს რა შვილი შვა დედამან, ეს რა გვაჩუქა ზენამო,
სანთელი უნდა დავუნთოთ, ერთმა კი არა ყველამო,
ქართველთ მტერი გყვავს დიდძალი, ამერ და იმერისაო,
მიწა ბევრი აქვთ ღორებსა, მაინცა უნდათ სხვისაო,
შექმნა სარდალმა ლაშქარი, ნარჩევი ბიჭებისაო,
ერთად დაუხვდნენ ძმურათა, მარცხი აგემეს ტურათა,
არ მოელოდნენ მოსულნი დამხვედრის ვაჟკაცობასა,
დრუნჩი აწია წყეულმა, გამოაჩინა კბილები,
საბედნიეროდ სარდალსა, ბევრი ჰყავს დაძმობილები,
გვერდში დაუდგნენ ვაჟკაცსა, ამაყი ქვეყნის შვილები,
უკან გაბრუნდნენ ძუნძულით, მხეცნი კბილმოტეხილები,
ლხინში ამ ლექსსა ვმღერივართ, არცა ჭირს შევუშინდებით!